Kappræður forsetaframbjóðanda hófust á RÚV kl. 19.40 í kvöld. Umræðunum í kvöld er skipt í tvo hluta.
Í fyrri hlutanum mætast sex efstu frambjóðendurnir miðað við könnun Gallup í dag og í síðari hlutanum mætast hinir sex sem mælast með undir 5% fylgi.
Í fyrri hlutanum mættu því Arnar Þór Jónsson, Baldur Þórhallsson, Halla Hrund Logadóttir, Halla Tómasdóttir, Jón Gnarr og Katrín Jakobsdóttir.
Þær Katrín, Halla Hrund og Halla mælast með mest fylgi, en síðasta skoðanakönnunin var birt síðdegis, Þjóðarpúls Gallup. Samkvæmt henni mælist ekki marktækur munur á fylgi Katrínar og Höllu Tómasdóttur, en sú síðarnefnda er eini frambjóðandinn sem bætir við sig fylgi milli vikna.
Jæja, opna hvítvín og fylgjast með twitter #forseti24
— Helgi Thor Thorsteins (@Helgith) May 31, 2024
Fyrsta spurningin sem borin var er hvað frambjóðendur telji vera að á Íslandi og hvernig þau ætli að beita sér til að laga það.
Önnur spurningin var svokölluð hraðaspurning, um kynhlutlaust mál. Frambjóðendur voru spurðir hvort þeir myndu sem forseti nota kynhlutlaus orð eins og fólk og þau frekar en karlkyns orð eins og menn og þeir.
Kynhlutlaust mál: Jón Gnarr með skásta svarið en samt frekar mikil vonbrigði með flest svörin þarna #forseti24
— Inga, MSc. ♀️ (@irg19) May 31, 2024
Flest svörin voru á þá leið að frambjóðendur notuðu málið sem þeir ólust upp við en þau væru alltaf að læra. Arnar Þór sagði að „hver og einn verði að fá að tala eins og hann hefur lært að tala. Það er ekki stjórnvalda að stýra því.“ Baldur var á sama máli og sér tamt að nota gamla málið úr sveitinni. Hann segist vera að reyna að tileinka sér meira kynhlutlaust málfar.
Halla segir „Orð geta styrkt og að orð geta meitt.“ Hún segist vera að læra og ekki megi dæma þá sem geri mistök.
Nokkur nef munu lengjast í kappræðunum kvöld. #forseti24
— Ingibjorg Hinriksd (@ingibjhin) May 31, 2024
Katrín: „Íslensk tunga er lifandi mál.“
Jón Gnarr segir „öll“ um hópa sem fleiri en eitt kyn eru í.
Halla Hrund sagðist einnig tala frekar hefðbundið mál. „Ég tala um mig sem manneskju eða mann þrátt fyrir að vera kona.“
Groundhog day #forseti2024 #forseti24
— Godin (@GrettirThing) May 31,
