Hallgrímur Helgason rithöfundur veltir því fyrir sér hvort það sé og hafi einhvern tíma verið einhver munur á Vinstri grænum og Sjálfstæðisflokknum.

„Er einhver munur á VG og XD? Var einhverntíma munur á VG og XD?“ spyr Hallgrímur í færslu á Facebook.

 „Flokkurinn virðist fastur í erindum fyrir sérhagsmunina, hvort sem það eru fiskeldisgoðin, stórútgerðin eða landbúnaðarrisarnir. Þetta er einmitt það sem maður hefur aldrei skilið við VG, sem stendur því miður alltof oft með feita freka frændanum fremur en umhverfi, náttúru, bændum, sjómönnum og neytendum.“

Hallgrímur vandar í lokin Katrínu Jakobsdóttur, fyrrum forsætisráðherra og fyrrum formanni VG, ekki kveðjurnar:

„Nú á að gefa eldisherrum auðlindina, eins og kvótakóngunum á sínum tíma, og ekki er hægt að klípa tonni meira af útgerðaraðlinum til handa strandveiðimönnum landsins. Svo grátlegt grátlegt. Eitt síðasta verk Katrínar í embætti (sem sitjandi matvælaráðherra) var síðan að leyfa lögmanni Kaupfélags Skagfirðinga að nánast endursemja frumvarp til búvörulaga. Ekki beint gott vegarnesti til að fara með inn í forsetakosningar…“