fbpx
Miðvikudagur 05.febrúar 2025
Eyjan

Jón Gnarr segir að líklega færi hann að fordæmi Ólafs Ragnars við sams konar aðstæður og í Icesave-málinu

Ritstjórn Eyjunnar
Miðvikudaginn 10. apríl 2024 11:30

Jón Gnarr. Skjáskot/Yotube

Ekki missa af Helstu tíðindum dagsins í pósthólfið þitt

Lesa nánar

Jón Gnarr leikari, rithöfundur, fyrrverandi borgarstjóri og forsetaframbjóðandi er nýjasti gestur Frosta Logasonar í þættinum Spjallið. Í kynningarstiklu fyrir þáttinn sem aðgengileg er öllum segir Jón meðal annars að hann telji mikilvægt að fólk úr hans geira gegni opinberum stöðum á Íslandi og að hann mundi líklega gera það sama og Ólafur Ragnar Grímsson, fyrrverandi forseti Íslands, þegar hann neitaði að staðfesta lög um Icesave-samningana, stæði hann frammi fyrir sams konar aðstæðum og í því máli:

„Ég er íslenskur listamaður. Rithöfundur, leikari og sviðslistamaður. … Mér finnst það svo mikilvægt. Mér finnst það svo gríðarlega mikilvægt fyrir okkur Íslendinga að eiga fulltrúa úr menningu og listum í opinberum stöðum.“

Hann segir æskilegt að embætti forseta Íslands sé ekki tengt pólitík.

Í stiklunni ræðir Jón svo Icesave-málið:

„Þá var náttúrulega stór hreyfing á landinu sem barðist gegn þessum samningum og einhver fjölmennasti undirskriftalisti sögunnar sem var afhentur. Væri ég í sporum Ólafs Ragnars Grímssonar forseta þá mundi ég held ég líklega gera það sama. Að beita þessu valdi, þessu synjunarvaldi og vísa þar með í þjóðaratkvæðagreiðslu. En mér finnst það ekki léttvægt og þetta er ekki eitthvað svona ákvæði sem mér finnst hvers vægi ætti að auka. Alls ekki.“

Myndi ekki sætta sig við lögleiðingu dauðarefsingar

Jón greinir í stiklunni frá málum sem hann sæi fyrir sér að vísa til þjóðarinnar verði hann kjörinn forseti Íslands. Jafnvel án áskorana frá þjóðinni:

„Ef það er eitthvað sem gengur gegn mínum prinsippum sem manneskju. Ef að Alþingi Íslendinga mundi til dæmis taka það upp að ákveða að innleiða aftur dauðarefsingu. Þá mundi ég bara, þó ég fengi enga undirskriftalista, þá mundi ég ganga gegn því eins og ég mögulega gæti. Ef að Alþingi mundi síðan jafnvel samþykkja það þá mundi ég segja af mér. Því ég mundi ekki vilja vera forseti í landi sem að væri með dauðarefsingu af því mér finnst það bara svo mikil grundvallarbreyting á samfélagsgerðinni.“

Í stiklunni spyr Frosti Jón hvaða manneskju hann leiti fyrst til vanti hann ráðleggingar eða dómgreind til að fá lánaða:

„Fyrst og fremst konan mín, Jóga. Ég leita alltaf fyrst til hennar. Heyri hvað henni finnst. Svo finnst mér mjög gott að fá lánaða dómgreind hjá Sigurjóni Kjartanssyni. Hann er með mjög skarpa og góða dómgreind en við erum hreint ekkert alltaf sammála. Síðan á ég bara mjög góða vini sem ég ber mikla virðingu fyrir, sem að er gáfað og vel gert fólk og kærir sig ekkert endilega um að vera nafngreint.“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

EyjanFastir pennar
Fyrir 3 dögum

Björn Jón skrifar: Að eiga sæti við borðið

Björn Jón skrifar: Að eiga sæti við borðið
Eyjan
Fyrir 3 dögum

Sigríður Andersen: Sjálfstæðismenn dýrka flokkinn eins og trúarbrögð eða íþróttalið

Sigríður Andersen: Sjálfstæðismenn dýrka flokkinn eins og trúarbrögð eða íþróttalið
Eyjan
Fyrir 4 dögum

Sigríður Andersen: Gott að flokkarnir standi sjálfir frammi fyrir skriffinnskunni sem þeir íþyngja atvinnulífinu og almenningi með

Sigríður Andersen: Gott að flokkarnir standi sjálfir frammi fyrir skriffinnskunni sem þeir íþyngja atvinnulífinu og almenningi með
Eyjan
Fyrir 4 dögum

Þórður Snær um stóra herbergjamálið – „Skondnasta birtingarmynd yfirstandandi frekjukasts“

Þórður Snær um stóra herbergjamálið – „Skondnasta birtingarmynd yfirstandandi frekjukasts“
Eyjan
Fyrir 5 dögum

Sigríður Andersen: Stjórnmálin snúast orðið um skráningar og að haka í box – atvinnulífið fer ekki varhluta af því

Sigríður Andersen: Stjórnmálin snúast orðið um skráningar og að haka í box – atvinnulífið fer ekki varhluta af því
EyjanFastir pennar
Fyrir 6 dögum

Svarthöfði skrifar: Sanngirnismál að sjálfstæðismenn fái áfallahjálp – lífsleikninámskeið til að takast á við nýjan veruleika

Svarthöfði skrifar: Sanngirnismál að sjálfstæðismenn fái áfallahjálp – lífsleikninámskeið til að takast á við nýjan veruleika
Eyjan
Fyrir 1 viku

Segja heitar deilur á milli Elon Musk og Hvíta hússins

Segja heitar deilur á milli Elon Musk og Hvíta hússins
EyjanFastir pennar
Fyrir 1 viku

Svarthöfði skrifar: Tilvistarkreppa sjálfstæðismanna – ráðast á Flokk fólksins

Svarthöfði skrifar: Tilvistarkreppa sjálfstæðismanna – ráðast á Flokk fólksins
Eyjan
Fyrir 1 viku

Jón urðar yfir Ingu – „Verður hún þá búin að fremja fleiri afrek í þágu þjóðarinnar?“

Jón urðar yfir Ingu – „Verður hún þá búin að fremja fleiri afrek í þágu þjóðarinnar?“