fbpx
Miðvikudagur 02.apríl 2025
Eyjan

Ágústa Johnson: Kerfið bregður fæti fyrir forvarnarstarf í einkageiranum – of mikið álag á heilsugæsluna

Eyjan
Þriðjudaginn 27. febrúar 2024 13:30

Ekki missa af Helstu tíðindum dagsins í pósthólfið þitt

Lesa nánar

Covid hafði þau áhrif að við Íslendingar erum samviskusamari við að mæta í ræktina en áður en faraldurinn braust út, mögulega vegna þess að við kunnum betur að meta það að komast í ræktina, eftir öll samkomubönnin og takmarkanirnar í Covid. Það virðist heilbrigðiskerfið standa í vegi fyrir því að sprotafyrirtæki geti boðið fólki upp á ýmsa þjónustu sem flokkast undir forvarnarstarfsemi. Ástæðan mun vera sú að kerfinu finnst forvarnarmælingarnar skapa of mikið álag á heilsugæslustöðvar. Ágústa Johnson, framkvæmdastjóri Hreyfingar, er gestur Ólafs Arnarsonar í hlaðvarpi Markaðarins á Eyjunni.

Markaðurinn - Ágústa Johnson  - 5.mp4

play-rounded-fill play-rounded-outline play-sharp-fill play-sharp-outline
pause-sharp-outline pause-sharp-fill pause-rounded-outline pause-rounded-fill
00:00

Markaðurinn - Ágústa Johnson - 5.mp4

Ágústa segir umræðu hafa verið t.d. um hið góða fyrirtæki, Greenfit, sem fór af stað með heilsufarsmælingar. Fyrirtækinu hafi ekki verið gert kleift að halda þeim úti lengur að því er virðist vegna andstöðu innan heilbrigðiskerfisins.

„Ég fór sjálf tvisvar til þrisvar í ástandsmælingu til þeirra og fannst það frábært að fá tækifæri til að bera saman. Það voru þarna tölur og niðurstöður sem komu mér á óvart og gáfu mér tækifæri til að fara og vinna markvisst í því,“ segir hún.

„Þetta geta þau ekki boðið upp á lengur, sem mér finnst alveg með ólíkindum. Eftir því sem ég kemst næst, eftir bara umræðunni sem skapaðist í fréttum út af þessu og án þess að ég viti neitt nánar um það, þá þótti þetta bjóða upp á of mikið álag á heilbrigðiskerfið – fólk sem væri í raun og veru heilbrigt væri þá að leita inn á heilsugæsluna eftir svona mælingar. Punkturinn er bara þessi, við eigum auðvitað að opna á það að einkarekin fyrirtæki geti verið að bjóða fólki upp á ýmsa þjónustu hvað varðar heilsu þess til að fólk geti tekið ábyrgar og upplýstar ákvarðanir um heilsufar sitt og farið í alls konar tékk, nákvæmlega eins og þú ferð með bílinn þinn í tékk o.s.frv. Ég held að við verðum virkilega að fara að girða okkur í brók hvað varða þróun árið 2024.“

Já, það er dálítið merkilegt ef það hefur verið heilbrigðiskerfið sem setur fótinn fyrir svona forvarnarstarf. Þessar reglubundnu mælingar eru auðvitað forvarnarstarf.

„Algerlega. Þar sem fullorðið fólk getur komið inn og keypt sér, og borgað sjálft, einhvers konar mælingar og farið með þær til heimilislæknis eða ráðgjafa og fengið lesið úr þeim. Ég get ekki séð neitt slæmt við það nema bara síður sé. Ég held að við verðum aðeins að fara að horfa víðar á heilbrigðiskerfið og ýta undir svona forvarnarstarf og opna fyrir svona flott sprotafyrirtæki eins og Greenfit sem vill bjóða fram þessa þjónustu en ekki reyna að kveða þetta niður.“

Hægt er að hlusta á hlaðvarpið í heild sinni hér :

Einnig er hægt að hlusta á Spotify eða hlaðvarpsþjónustu Google:

Ágústa er þeirrar skoðunar að orsök þess að við séum með feitustu þjóðum þrátt fyrir að vera mjög dugleg við að mæta í ræktina hljóti að vera lífsstíll okkar, mataræðið. Svo sé það alls ekki að sama að eiga kort í ræktinni og að nýta kortið. „Það er alveg það versta að vera styrktaraðili í líkamsræktarstöðinni, að sjálfsögðu þarf að mæta.“

Hafið þið skoðað það eitthvað hjá ykkur? Hefur orðið einhver breyting á virkum korthöfum og óvirkum?

„Já, það er svolítið gaman að því að við sjáum marktækan mun eftir Covid, að það er betri nýting á kortunum þannig að það er bara mjög jákvætt.“

Þannig að það hefur kannski kennt okkur að meta það að komast í ræktina?

„Ég er alveg sannfærð um það að það er akkúrat málið. Við sáum bara um leið og við gátum opnað í þessum stuttu köflum hvað það var stór hópur sem kom undir eins. Um leið og fólk nær að koma þessu inn í lífsstílinn, inn í rútínuna sína, þá vill það ekki sleppa því – þá ertu orðinn pínu háður þessu og finnur muninn ef þú mætir ekki.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

EyjanFastir pennar
Fyrir 3 dögum

Björn Jón skrifar: Ríkisútvarpið og „sósíalismi andskotans“

Björn Jón skrifar: Ríkisútvarpið og „sósíalismi andskotans“
Eyjan
Fyrir 3 dögum

Gefur lítið fyrir orðljóta gagnrýni minnihlutans í tengslum við lækkun launa kjörinna fulltrúa – „Útúrsnúningur og pólitískt leikrit af þeirra hálfu“

Gefur lítið fyrir orðljóta gagnrýni minnihlutans í tengslum við lækkun launa kjörinna fulltrúa – „Útúrsnúningur og pólitískt leikrit af þeirra hálfu“
EyjanFastir pennar
Fyrir 4 dögum

Óttar Guðmundsson skrifar: Gísli, Eiríkur og Helgi

Óttar Guðmundsson skrifar: Gísli, Eiríkur og Helgi
Eyjan
Fyrir 5 dögum

Bæjarstjóri harðlega gagnrýnd og kölluð einræðisherra – „Ég held að það sé leitun að eins ómerkilegri manneskju og Ásdísi Kristjánsdóttur“

Bæjarstjóri harðlega gagnrýnd og kölluð einræðisherra – „Ég held að það sé leitun að eins ómerkilegri manneskju og Ásdísi Kristjánsdóttur“
Eyjan
Fyrir 1 viku

Heiða Björg borgarstjóri: Ég vildi hafa flugvöllinn kyrran en breytti svo um skoðun

Heiða Björg borgarstjóri: Ég vildi hafa flugvöllinn kyrran en breytti svo um skoðun
EyjanFastir pennar
Fyrir 1 viku

Svarthöfði skrifar: Skilningslaus ríkisstjórn – hver á núna að halda uppi húsnæðisverði á Íslandi?

Svarthöfði skrifar: Skilningslaus ríkisstjórn – hver á núna að halda uppi húsnæðisverði á Íslandi?
Eyjan
Fyrir 1 viku

Heiða Björg borgarstjóri: Þétting byggðar og efling almenningssamgangna í Reykjavík ekki síst samkeppnismál

Heiða Björg borgarstjóri: Þétting byggðar og efling almenningssamgangna í Reykjavík ekki síst samkeppnismál
Eyjan
Fyrir 1 viku

Biður Guðrúnu að hætta að hlusta á tápsára eltihrella eftir upphlaupið í gær – „Kalla hana blygðunarlaust „biðformanninn““

Biður Guðrúnu að hætta að hlusta á tápsára eltihrella eftir upphlaupið í gær – „Kalla hana blygðunarlaust „biðformanninn““
Hide picture