Lenya Rún Taha Karim, leiðtogi Pírata, fékk að finna fyrir því eftir að hún mætti í hlaðvarpið Spursmál. Þar fékk hún spurningu um veiðigjöldin og játaði Lenya að hún vissi ekki hversu há gjöldin eru í dag. Hún vissi þó að hún vildi hækka þau. Fjölmiðlamaðurinn Stefán Einar Stefánsson gekk þá á hana og spurði hvort það væri forsvaranlegt að ætla sér að hækka skatta án þess að hafa hugmynd um hversu háir þeir eru í dag.

Myndskeið úr viðtalinu fór á mikið flug á TikTok. Nú hefur Lenya þó snúið vörn í sókn. Hún viðurkennir í myndbandi á TikTok að vissulega hafi þetta verið neyðarlegt fyrir hana, en ekkert sem góður lærdómssprettur geti ekki lagað. Lenya lagðist yfir gögnin eftir viðtalið og lét svo spyrja sig spjörunum úr um sjávarútveginn. „Pælið í því að vera 12 ára, eða 24 ára, og mæta óundirbúin í viðtal við Stefán Einar. Já ég skeit upp á fokking bak, en ég er ógeðslega góð í að læra svo ég bara lockaði mig inn og ég fór bara aftur í Hraða-Spursmál þar sem svaraði eingöngu spurningum um sjávarútveginn.“

Afraksturinn má sjá hér:

@lenyarn obbb sma skita en ekkert sem að gott lockin session getur ekki bætt 🤓 #fyrirþig #islenskt #alþingiskosningar2024 #piratar #fyrirþigsíða #spursmál #islensktiktok #egkannekkiahashtags #erþettaennþathing ♬ 90s Boom Bap Hip Hop – RockEagle

Þetta svar Lenyu fékk góð viðbrögð í athugasemdum. Það væri styrkleikamerki að viðurkenna mistök og það sé þörf fyrir stjórnmálamenn sem vinna heimavinnuna sína. Lenya tók fram í athugasemdum að vissulega væri undarlegt að stjórnmálamaður talaði fyrir hærri sköttum án þess að vita hversu háir þeir eru. Hún hafi þó misskilið Stefán Einar. Veiðigjaldið breytist milli ára þó að hlutfallið sé þekkt. „Það er óskiljanleg krafa að vita hvað veiðigjaldið er hátt í krónum per kg hjá mismunandi fiskitegundum – ég hélt hann væri að spyrja um það enda sagði hann ekki prósenta eða hlutfall.