Undirbúningur stjórnmálaflokka fyrir komandi Alþingiskosningar er kominn á fullt. Ljóst er að einhver, jafnvel talsverð, endurnýjun verður því þaulreyndir þingmenn á borð við Oddnýju G. Harðardóttur og Óla Björn Kárason hafa gefið það út að þau sækjast ekki eftir endurkjöri.

Þá hafa þjóðþekktir Íslendingar af öðrum vettvangi, til að mynda Alma Möller, landlæknir, Halla Hrund Logadóttir, orkumálastjóri og Víðir Reynisson, yfirlögregluþjónn, gefið það út að þau verði í framboði í komandi kosningum.

En hvaða þingmenn, þvert á flokka, sköruðu fram úr á síðasta kjörtímabili eða eru ómissandi persónuleikar á Alþingi Íslendinga? Hér að neðan er listi yfir þá 63 þingmenn sem nú eiga sæti á Alþingi. Viljum við hvetja lesendur til að velja þá þingmenn sem að þeir myndu vilja sjá áfram á þingi.

Að lágmarki þarf að velja 5 þingmenn í könnuninni en að hámarki 12.