Diljá Mist Einarsdóttir, þingmaður Sjálfstæðisflokksins, vill að prestar Þjóðkirkjunnar láti af pólitískum áróðri og ennfremur vill hún að kirkjan opni aftur dyr sínar fyrir skólabörnum á aðventunni. Þetta kemur fram í aðsendri grein í Morgunblaðinu í dag.

„Ýmsir kirkj­unn­ar þjón­ar stíga reglu­lega inn í umræðuna um mál­efni líðandi stund­ar. Fólk hef­ur jafn­vel þurft að sitja und­ir póli­tísk­um áróðri í sunnu­dags­mess­um. Fólk sem sæk­ir kirkj­ur til að iðka trú sína á heil­ög­um stað og á að njóta til þess þjón­ustu sömu þjóna. Ég er þeirr­ar skoðunar að prest­ar og aðrir fyr­ir­svars­menn kirkj­unn­ar eigi að forðast að stíga inn í póli­tísk deilu­mál og þræt­ur og taka af­stöðu í þeim. Slíkt er enda til þess fallið að skapa sundr­ung meðal fylg­is­manna kirkj­unn­ar og fjar­lægð frá þeim sem deila ekki skoðunum eða sýn með viðkom­andi,“ segir Diljá í grein sinni.

Hún segir boðskap kristninnar vera grunngildi samfélags okkar og hvetur Þjóðkirkjuna til að galopna kirkjudyr fyrir jólaheimsóknum barna á skólatíma. „Heim­sókn­um sem er rík hefð fyr­ir og við höf­um hér flest fengið að njóta gegn­um árin. Sann­ar­lega hafa ekki all­ar sókn­ir hagað störf­um sín­um með þeim hætti að af­lýsa heim­sókn­um, en skila­boð þeirra sem það hafa gert þykja mér miður.“

Diljá segir fráleitt að jólaheimsóknir skólabarna í kirkjur valdi sundrungu í samfélaginu, eins og sumir telja, og vill hún endurvekja þennan sið og telur aflagningu hans vera eftirgjöf gagnvart óumburðarlyndi:

„Ein­hverj­um hef­ur þótt kirkj­an vera að valda deil­um eða tog­streitu með því að bjóða ís­lensk­um skóla­börn­um í heim­sókn sam­kvæmt langri og fal­legri hefð. Það er auðvitað frá­leit eft­ir­gjöf gagn­vart óum­b­urðarlyndi ör­fárra. Auk þess er það þá í það minnsta verðugra verk­efni og sam­rým­ist bet­ur verk­efn­um kirkj­unn­ar en póli­tísk þrætu­epli hverju sinni.“