BBC skýrir frá þessu og segir að slysið hafi átt sér stað í ágúst á síðasta ári. Þá lenti skólabíll, sem Aiden var farþegi í, í árekstri við fólksbíl sem var ekið af Hermano Joseph, sem er innflytjandi frá Haítí.
Hermano var síðar dæmdur fyrir manndráp af gáleysi.
Trump notaði nýlega mynd af Aiden í færslu þar sem hann réðst á Kamala Harris. Daginn eftir gekk varaforsetaefni hans, J.d. Vance, enn lengra og sagði að „barn hefði verið myrt af innflytjanda frá Haítí“.
En það var dropinn sem fyllti mælinn hjá Nathan. „Þeir hafa nefnt son minn á nafn og notað dauða hans í pólitískum tilgangi. Þessu verður að linna,“ sagði Nathan á bæjarráðsfundi og bætti við: „Sonur minn var ekki myrtur. Innflytjandi frá Haítí varð honum að bana þegar slys varð.“
Hann bætti einnig við að ef Aiden hefði verið drepinn af „sextugum hvítum manni“ hefði „þetta hatursfulla fólk“ látið fjölskyldu hans í friði.
Framboð Trump hefur beðið fjölskylduna afsökunar en heldur fast í að segja verði frá þjáningum íbúa í Springfield í Ohio og vía þar til áskorana sem samfélagið stendur að sögn frammi fyrir vegna straums innflytjenda frá Haítí til bæjarins.