fbpx
Fimmtudagur 03.apríl 2025
EyjanFastir pennar

Svarthöfði skrifar: Hið fullkomna gegnsæi

Svarthöfði
Fimmtudaginn 29. ágúst 2024 18:00

Ekki missa af Helstu tíðindum dagsins í pósthólfið þitt

Lesa nánar

Það má líklega jafna því við að bera vatn í bakkafullan læk að fjalla meir um tekjur manna – svona að nýafstaðinni vertíð slíkrar umræðu í kjölfar framlagningar skattskrár. Forðum var keppst um að kaupa eintök af tekjublöðum og voru þau helsta lesefni landsmanna um verslunarmannahelgar árum saman. Því fylgdu svo erfið samtöl starfsmannastjóra fyrirtækja við lesendur þessara blaða þar sem niðurstöður tekjublaðanna voru lögð til grundvallar rökstuðningi um launahækkun.

Tíðarandinn hefur sumpart breyst hvað þetta varðar. Nú virðast landsmenn hafa mun minni áhuga á þessum upplýsingum og nokkurra daga gömlum upplögum þessara blaða ekið á endurvinnslustöðvar í bílförmum.

Það breytir þó ekki því að margt forvitnilegt ber fyrir augu við lestur þeirra og það eru ekki alltaf stóru tölurnar sem mesta athygli vekja.

Í nýju tölublaði Tekjublaðs Frjálsar verslunar sést til dæmis að einn helsti forsprakki gegnsæis hér á landi og fyrrverandi fyrirsvarsmaður hérlends útibús gegnsæis, Transparency International, Iceland, var með núll krónur á mánuði á síðast liðnu skattári.

Það er nokkuð vel af sér vikið. Telst það ekki vera hið fullkomna gegnsæi að hafa núll krónur í laun? Við þær aðstæður þarf ekki að biðja um prósentuhækkun launa. Svarthöfða er ýmislegt betur til lista lagt en reikningur en þykist þó muna að 5 prósent launahækkun á núll króna laun er samt sem áður núll og telur sig vita að núll krónur á mánuði er líka núll krónur á ári.

Og eftir að hafa skoðað tölustafi gaumgæfilega blasir við að núll er eina talan sem almennilega sést í gegnum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

EyjanFastir pennar
Fyrir 1 viku

Steinunn Ólína skrifar: Höfnum vansældarviðskiptum og veljum vellíðan

Steinunn Ólína skrifar: Höfnum vansældarviðskiptum og veljum vellíðan
EyjanFastir pennar
Fyrir 1 viku

Svarthöfði skrifar: Flokksgæðingar fallinna flokka maka krókinn á Grindavík

Svarthöfði skrifar: Flokksgæðingar fallinna flokka maka krókinn á Grindavík
EyjanFastir pennar
Fyrir 2 vikum

Björn Jón skrifar: Eru refsingar of vægar?

Björn Jón skrifar: Eru refsingar of vægar?
EyjanFastir pennar
Fyrir 2 vikum

Sigmundur Ernir skrifar: Nú drepa þeir tvo fyrir einn

Sigmundur Ernir skrifar: Nú drepa þeir tvo fyrir einn
EyjanFastir pennar
Fyrir 3 vikum

Sigmundur Ernir skrifar: Fólkið fór ekki, heldur flokkurinn

Sigmundur Ernir skrifar: Fólkið fór ekki, heldur flokkurinn
EyjanFastir pennar
Fyrir 3 vikum

Óttar Guðmundsson skrifar: Göngugrindahlaup

Óttar Guðmundsson skrifar: Göngugrindahlaup
EyjanFastir pennar
01.03.2025

Óttar Guðmundsson skrifar: Reykjavíkurflugvöllur

Óttar Guðmundsson skrifar: Reykjavíkurflugvöllur
EyjanFastir pennar
28.02.2025

Steinunn Ólína skrifar: Ayahuasca og andleg reynsla á Landspítalanum

Steinunn Ólína skrifar: Ayahuasca og andleg reynsla á Landspítalanum