fbpx
Þriðjudagur 11.mars 2025
Eyjan

Aðalhagfræðingur Íslandsbanka: Betra að Seðlabankinn horfi fram á veginn í stað þess að bregðast sífellt við því sem orðið er

Eyjan
Þriðjudaginn 30. júlí 2024 14:30

Ekki missa af Helstu tíðindum dagsins í pósthólfið þitt

Lesa nánar

Íslenski Seðlabankinn mætti horfa til seðlabanka annarra landa og draga þann lærdóm að betra sé að vera framsýnn við framkvæmd peningastefnu og horfa fram veginn frekar en að vera alltaf í viðbragði við orðnum hlut. Jón Bjarki Bentsson, aðalhagfræðingur Íslandsbanka, er viðmælandi Ólafs Arnarsonar í sérstökum sumarþætti Markaðarins á Eyjunni.

Hægt er að hlusta á brot úr þættinum hér:

Markadurinn  - Jón Bjarki Bentsson- 7.mp4
play-sharp-fill

Markadurinn - Jón Bjarki Bentsson- 7.mp4

Margir hafa áhyggjur af því að fjármagnskostnaður sé svo stór kostnaðarþáttur hjá mörgum íslenskum fyrirtækjum að vextirnir sem slíkir beinlínis stuðli að verðbólgu, alla vega til skemmri eða meðallangs tíma.

„Já, þau áhrif eru til staðar. Reyndar sýnir alþjóðleg og söguleg reynsla að þau áhrif eru minni alla jafna heldur en þessi kælingaráhrif sem fylgja háum raunvöxtum.“

En hafa menn verið að skoða stýrivaxtaumhverfi, t.d. í íslenska hagkerfinu, út frá þessu?

„Við erum bara með umhverfi núna sem við höfum svo stutta sögulega reynslu af, með fljótandi gjaldmiðil – sem hann var náttúrlega ekki fyrr en 2001 – og tiltölulega útbreidda óverðtryggða fjármögnun, sem var ekki staðan fyrr en kannski fyrir 5-6 árum, þannig að við verðum vissulega að fara varlega í að heimfæra þessar rannsóknir annarra landa, eða þessa stuttu sögu sem við höfum, upp á framtíðina,“ segir Jón Bjarki.

Hann segist telja að það sem við getum engu að síður horft til annarra landa með sé að framsýni í peningastefnu sé mikilvæg og nauðsynleg við að stýra því olíuskipi sem stjórnun peningastefnu sé. Þetta séu seðlabankar í löndunum í kringum okkur að gera. „Þeir eru ýmist byrjaðir að lækka vexti, ég held að flestir séu þeir búnir að stíga þau skref, en á sama tíma að gefa skilaboð um að sú vegferð verði ekki hröð og ráðist af því hvernig verðbólga og efnahagslíf gengur, heldur en einmitt þetta; að vera alltaf í viðbragðinu. Það getum við lært og ættum að horfa til annarra landa með. Það held ég að séu algild sannindi sem við þurfum ekki að einhvern veginn séríslenska.“

Hægt er að hlusta á hlaðvarpið í heild sinni hér:

Einnig er hægt að hlusta á Spotify eða hlaðvarpsþjónustu Google:

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 3 dögum

Þórdís Kolbrún: Ekki að reyna að búa til nýjan Sjálfstæðisflokk – bara minna á fyrir hvað hann hefur alltaf staðið

Þórdís Kolbrún: Ekki að reyna að búa til nýjan Sjálfstæðisflokk – bara minna á fyrir hvað hann hefur alltaf staðið
Eyjan
Fyrir 3 dögum

Fyrrverandi aðstoðarmaður borgarstjóra búin að fá nóg af seinagangi í leikskólamálum – „Til þess fallið að skapa falskar væntingar og enn meiri vonbrigði þegar planið gengur ekki upp“

Fyrrverandi aðstoðarmaður borgarstjóra búin að fá nóg af seinagangi í leikskólamálum – „Til þess fallið að skapa falskar væntingar og enn meiri vonbrigði þegar planið gengur ekki upp“
Eyjan
Fyrir 6 dögum

Anna Kristín formaður SÍA: Markaðssetning gengur út á úthald – að halda vörumerkinu á lofti líka í þrengingum

Anna Kristín formaður SÍA: Markaðssetning gengur út á úthald – að halda vörumerkinu á lofti líka í þrengingum
Eyjan
Fyrir 6 dögum

Sigurður Hólmar Jóhannesson skrifar: Hugbreytandi efni og hampur – af hverju nýtur annað meiri viðurkenningar en hitt?

Sigurður Hólmar Jóhannesson skrifar: Hugbreytandi efni og hampur – af hverju nýtur annað meiri viðurkenningar en hitt?
EyjanFastir pennar
Fyrir 1 viku

Sigmundur Ernir skrifar: Í hvaða álfu eru íslenskir flokkar?

Sigmundur Ernir skrifar: Í hvaða álfu eru íslenskir flokkar?
Eyjan
Fyrir 1 viku

Formaður SÍA: Skammtímahugsun getur skemmt fyrir vörumerki til lengri tíma – snýst um sköpunarkraftinn

Formaður SÍA: Skammtímahugsun getur skemmt fyrir vörumerki til lengri tíma – snýst um sköpunarkraftinn
Hide picture