Bjarni Benediktsson forsætisráðherra tekur sér greinilega ýmislegt fyrir hendur á heimilinu. Margoft hefur verið greint frá kökubakstri Bjarna, en í gær birti hann mynd af kirsuberjum sem hann ræktar.
„Kirsuberin 2024. Hafði tréð úti fram í mars. Tók það þá inn í gróðurhúsið. Skilaði góðri uppskeru.“
Bjarna er hrósað í athugasemdum og segir einn: „Öflugur garðyrkjumaður, nú er bara að láta flokkinn vaxa og dafna.“
„Það fór út í nóvember, inn byrjun mars, tók hratt við sér, blómstraði uppúr miðjum apríl, fyrstu berin snemma í júní. Ég varð að taka af því núna, greinarnar að sligast og þau fullþroskuð,“ segir Bjarni.
