Maskína hefur birt niðurstöður nýjustu könnunar sinnar á fylgi frambjóðenda til embættis forseta Íslands. Halla Hrund Logadóttir mælist enn með mest fylgi en Katrín Jakobsdóttir sækir svo fast á hæla hennar að munurinn á milli telst ekki marktækur.
Könnunin fór fram dagana 30. apríl til 8. maí og voru svarendur 1.236 talsins.
Halla Hrund mælist með 29,7 prósent fylgi og hækkar um 0,3 prósent frá fyrri könnun. Katrín mælist með 26,7 prósent og lækkar um 0,1 prósent frá fyrri könnun. Næst kemur Baldur Þórhallsson með 18,8 prósent og lækkar um 1 prósent frá fyrri könnun. Jón Gnarr mælist með 11,2 prósent og lækkar um 1,1 prósent frá fyrri könnun.
Svarendur voru einnig spurðir um hvern þeir myndu kjósa ef þeirra frambjóðandi væri ekki í boði.
Þar kemur Baldur Þórhallsson best út og mælist með 22,1 prósent, sem er 0,1 prósent lækkun frá fyrri könnun. Hann tekur þar með frammúr Höllu Hrund sem annað vel en hún mælist nú með 22,1 prósent sem er lækkun upp á 3,7 prósent .
