fbpx
Miðvikudagur 02.apríl 2025
Eyjan

Orðið á götunni: Fjármálaráð gefur verkum ríkisstjórnarinnar falleinkunn

Eyjan
Fimmtudaginn 2. maí 2024 10:15

Ekki missa af Helstu tíðindum dagsins í pósthólfið þitt

Lesa nánar

Svonefnt Fjármálaráð sem skipað er þremur hámenntuðum hagfræðingum hefur það hlutverk að birta álitsgerðir um fjármálaáætlanir ríkisstjórnarinnar á hverjum tíma. Ráðið sendi frá sér ítarlega skýrslu nú í vikunni. Niðurstaða skýrslunnar er í meginatriðum falleinkunn á verk ríkisstjórnarinnar. Þarf það svo sem ekki að koma á óvart en mun alvarlegra er þegar fagmenn af þessu tagi birta rökstudda gagnrýni frekar en þegar vitnað er í orð og upphrópanir hagsmunahópa og misvitra stjórnmálamanna.

Orðið á götunni er að fulltrúar ríkisstjórnarflokkanna virðist annað hvort ekki skilja niðurstöður skýrslunnar eða hafi einfaldlega ákveðið að taka ekkert mark á henni. Gott dæmi um það eru orð Njáls Friðbertssonar, alþingismanns Sjálfstæðisflokksins, sem höfð eru eftir honum í Morgunblaðinu. Þar segir Njáll meðal annars: „… staðan er mjög góð og raunar furðugóð miðað við þau áföll sem hafa dunið á undanfarin fimm ár.“

Lítum á nokkrar niðurstöður sem koma fram í skýrslu hinna hámenntuðu sérfræðinga:

  • Gagnsæi í opinberum fjármálum er ábótavant.
  • Tímabundin útgjöld hafa tilhneigingu til að verða varanleg.
  • Minna aðhald er í ríkisrekstri hér en í samanburðarlöndum.
  • Áföll eru regla fremur en undantekning í íslensku hagkerfi.
  • Útgjaldavöxtur síðustu ára er ósjálfbær.
  • Óljóst er hvernig draga eigi úr útgjaldavexti
  • Óútfært aðhald sem birta á í fjárlögum er ógagnsætt og dregur úr trúverðugleika áætlana.
  • Gagnsæi ábótavant í tengslum við óútfærðar áætlanir um sölu eigna.
  • Almennar tilfærslur draga úr skilvirkni aðgerða.
  • Skortur er á gagnsæi varðandi forsendur um breytingu á vexti örorku-og ellilífeyris
  • Varasamt er að ótilgreind eignasala sé forsenda fjármálaáætlunar.

Fjölmargt annað úr skýrslunni mætti nefna sem sýnir hve óvönduð vinnubrögðin hafa verið varðandi fjármál ríkisins á undanförnum árum. Ríkisstjórnarflokkarnir virðast ekki ætla að horfast í augu við staðreyndir heldur reyna áfram að slá ryki í augu almennings eins og orð þingmannsins bera vott um. Annað hvort reynir hann að blekkja með orðum sínum eða þá skilur hann ekki innihald þessarar vönduðu skýrslu sérfræðinganna.

Orðið á götunni er að stjórn ríkisfjármála á undanförnum árum hafi einkennst af lausatökum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

EyjanFastir pennar
Fyrir 3 dögum

Björn Jón skrifar: Ríkisútvarpið og „sósíalismi andskotans“

Björn Jón skrifar: Ríkisútvarpið og „sósíalismi andskotans“
Eyjan
Fyrir 3 dögum

Gefur lítið fyrir orðljóta gagnrýni minnihlutans í tengslum við lækkun launa kjörinna fulltrúa – „Útúrsnúningur og pólitískt leikrit af þeirra hálfu“

Gefur lítið fyrir orðljóta gagnrýni minnihlutans í tengslum við lækkun launa kjörinna fulltrúa – „Útúrsnúningur og pólitískt leikrit af þeirra hálfu“
EyjanFastir pennar
Fyrir 4 dögum

Óttar Guðmundsson skrifar: Gísli, Eiríkur og Helgi

Óttar Guðmundsson skrifar: Gísli, Eiríkur og Helgi
Eyjan
Fyrir 5 dögum

Bæjarstjóri harðlega gagnrýnd og kölluð einræðisherra – „Ég held að það sé leitun að eins ómerkilegri manneskju og Ásdísi Kristjánsdóttur“

Bæjarstjóri harðlega gagnrýnd og kölluð einræðisherra – „Ég held að það sé leitun að eins ómerkilegri manneskju og Ásdísi Kristjánsdóttur“
Eyjan
Fyrir 1 viku

Heiða Björg borgarstjóri: Ég vildi hafa flugvöllinn kyrran en breytti svo um skoðun

Heiða Björg borgarstjóri: Ég vildi hafa flugvöllinn kyrran en breytti svo um skoðun
EyjanFastir pennar
Fyrir 1 viku

Svarthöfði skrifar: Skilningslaus ríkisstjórn – hver á núna að halda uppi húsnæðisverði á Íslandi?

Svarthöfði skrifar: Skilningslaus ríkisstjórn – hver á núna að halda uppi húsnæðisverði á Íslandi?
Eyjan
Fyrir 1 viku

Heiða Björg borgarstjóri: Þétting byggðar og efling almenningssamgangna í Reykjavík ekki síst samkeppnismál

Heiða Björg borgarstjóri: Þétting byggðar og efling almenningssamgangna í Reykjavík ekki síst samkeppnismál
Eyjan
Fyrir 1 viku

Biður Guðrúnu að hætta að hlusta á tápsára eltihrella eftir upphlaupið í gær – „Kalla hana blygðunarlaust „biðformanninn““

Biður Guðrúnu að hætta að hlusta á tápsára eltihrella eftir upphlaupið í gær – „Kalla hana blygðunarlaust „biðformanninn““