fbpx
Föstudagur 04.apríl 2025
Eyjan

Orðið á götunni: Katrín vildi Geir Haarde í fangelsi – hefur ekki beðist afsökunar

Eyjan
Sunnudaginn 21. apríl 2024 16:00

Ekki missa af Helstu tíðindum dagsins í pósthólfið þitt

Lesa nánar

Orðið á götunni er að margir hafi hrokkið illa við þegar Morgunblaðið rifjaði upp framgöngu forsetaframbjóðanda í Landsdómsmálinu svonefnda. Katrín Jakobsdóttir kaus á Alþingi árið 2010 með tillögu þess efnis að að krafist yrði fangelsisdóms yfir Geir H. Haarde, fyrrverandi formanni Sjálfstæðisflokksins og forsætisráðherra. Meðal þeirra sem setið hafa á Alþingi fram undir þetta eru Katrín og Svandís Svavarsdóttir sem báðar kusu með því að draga Geir einan fyrir Landsdóm og reyna að fá hann dæmdan í fangelsi. Úrslitin ultu á 2 atkvæðum – þess vegna á atkvæði Katrínar og Svandísar. Geir þurfti einn að sæta réttarhöldum í Landsdómi en þrír aðrir ráðherrar sluppu naumlega eftir atkvæðagreiðslu á Alþingi. Niðurstaða dómsins var sú að Geir var sýknaður að mestu leyti. En öll þessi uppstilling þótti hið mesta níðingsbragð sem stýrt var af forystu Vinstri grænna.

Morgunblaðið bar þetta mál undir Katrínu í viðtali við hana nú um helgina. Hún var sérstaklega spurð hvort hún hafi beðið Geir afsökunar eins og sumir þingmenn sem kusu á móti honum hafa gert. Þar á meðal Ögmundur Jónasson. Katrín kvað nei við því! Hún sér því greinilega ekki eftir neinu.

Í ljósi þessa vekur það mikla athygli að samkvæmt skoðanakönnunum virðist um helmingur kjósenda Sjálfstæðisflokksins styðja Katrínu til embættis forseta Íslands. Þeir mættu hugsa ráð sitt í ljósi þeirrar illsku sem fyrrum formaður Sjálfstæðisflokksins og þar með flokkurinn máttu þola af hálfu Katrínar og félaga í Vinstri grænum.

Við atkvæðagreiðslu á Alþingi í september 2010 greiddu allir þingmenn Vinstri grænna, 15 að tölu, atkvæði með ákæru. Hins vegar kusu allir þingmenn Sjálfstæðisflokksins, 16 að tölu, gegn ákæru. Meðal þeirra voru fjórir þingmenn sem enn eiga sæti á Alþingi, Bjarni Benediktsson, Guðlaugur Þór Þórðarson, Birgir Ármannsson og Þorgerður Katrín Gunnarsdóttir. Þá greiddi Sigmundur Davíð Gunnlaugsson einnig atkvæði gegn ákæru en Sigurður Ingi Jóhannsson vildi láta dæma formann Sjálfstæðisflokksins í fangelsi!

Orðið á götunni er að Sjálfstæðisflokkur nútímans hafi sýnt mikið geðleysi með því að sætta sig við langvarandi samstarf við bæði Katrínu og Sigurð Inga eftir þessa aðför þeirra að formanni flokksins. Og enn virðist helmingur flokksmanna geta sætt sig við Katrínu ef marka má skoðanakannanir. En það eru sex vikur til forsetakosninga og nægur tími til að hugsa sitt ráð.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 3 dögum

Ber mál Le Pen saman við mál Flokks fólksins

Ber mál Le Pen saman við mál Flokks fólksins
Eyjan
Fyrir 3 dögum

Logi Einarsson: Gerum eins og Apple gerir – samþættum tækniþróun og hönnun

Logi Einarsson: Gerum eins og Apple gerir – samþættum tækniþróun og hönnun
Eyjan
Fyrir 4 dögum

Trump fagnaði og sagði að áætlun hans væri að ganga upp – Setja Kínverjar honum stólinn fyrir dyrnar?

Trump fagnaði og sagði að áætlun hans væri að ganga upp – Setja Kínverjar honum stólinn fyrir dyrnar?
Eyjan
Fyrir 5 dögum

Orðið á götunni: Þú kaupir af Guðbjörgu í hverri viku – umframhagnaður sægreifa fer í að kaupa upp atvinnulífið

Orðið á götunni: Þú kaupir af Guðbjörgu í hverri viku – umframhagnaður sægreifa fer í að kaupa upp atvinnulífið
EyjanFastir pennar
Fyrir 6 dögum

Óttar Guðmundsson skrifar: Gísli, Eiríkur og Helgi

Óttar Guðmundsson skrifar: Gísli, Eiríkur og Helgi
Eyjan
Fyrir 1 viku

Bæjarstjóri harðlega gagnrýnd og kölluð einræðisherra – „Ég held að það sé leitun að eins ómerkilegri manneskju og Ásdísi Kristjánsdóttur“

Bæjarstjóri harðlega gagnrýnd og kölluð einræðisherra – „Ég held að það sé leitun að eins ómerkilegri manneskju og Ásdísi Kristjánsdóttur“
Eyjan
Fyrir 1 viku

Framsóknarmenn sárir og svekktir á Alþingi – „Vera ekki að hreykja sér af verkum annarra“

Framsóknarmenn sárir og svekktir á Alþingi – „Vera ekki að hreykja sér af verkum annarra“
EyjanFastir pennar
Fyrir 1 viku

Þorsteinn Pálsson skrifar: Boðflennur, fullveldi og fjölþjóðasamvinna

Þorsteinn Pálsson skrifar: Boðflennur, fullveldi og fjölþjóðasamvinna