fbpx
Miðvikudagur 02.apríl 2025
EyjanFastir pennar

Óttar Guðmundsson skrifar: Pólitísk ólund

Eyjan
Laugardaginn 9. mars 2024 06:00

Ekki missa af Helstu tíðindum dagsins í pósthólfið þitt

Lesa nánar

Mikil óeining er ríkjandi á stjórnarheimilinu. Vinstri grænir kenna Sjálfstæðismönnum um ófarir sínar í skoðanakönnunum. Sjálfstæðismenn kenna VG á móti um öll vandamálin í útlendingamálum, orkumálum og vaxtamálum. Framsóknarflokkurinn er eins og skilnaðarbarn í óhamingjusömu hjónabandi og siglir bil beggja í þögulli meðvirkni.

Stjórnarflokkarnir halda uppi öflugri stjórnarandstöðu með þessari stöðugu ólund. Leiðtogar og óbreyttir liðsmenn eru í fýlu  og endurteknar niðurdrepandi skoðanakannanir kynda undir þessari óánægju. Það er útilokað að ímynda sér pólitíska sigra eða stemmingu í kringum þessa óhamingjusömu pólitíkusa sem vinna af alefli gegn sjálfum sér.

Sama ólundin er reyndar í kringum Landspítalann. Nýr spítali er að rísa við Hringbraut. Verkfræðingar segja að mörg þúsund tonn af steinsteypu hafi farið í þessa byggingu. Enginn skilur þessar tölur en þetta mun vera mikil steypa. Þrátt fyrir það eru allir óánægðir með nýja spítalann áður en hann er fokheldur og finna honum allt til foráttu.

Á spítalanum eru nefnilega allir í fýlu og tala um hörmungarástand á bráðamóttöku og biðlistum.  Sjúklingar eru ekki velkomnir á þessa stofnun. Engan langar til að vinna á spítalanum vegna fráflæðisvanda og manneklu . Daglegar fréttir berast frá læknum að allt sé í kaldakoli og stöðugu neyðarástandi og þeir sjálfir bæði að brenna út og kulna.

Ég fékk sjálfur verk fyrir hjartað á dögunum en þorði ekki á Bráðamóttökuna. Verkurinn gekk yfir en vandamál Landspítalans minnka ekki. Boðskapurinn er að einungis dauðvona fólk sé velkomið á bráðamóttökuna. Aðrir geta farið á heilsugæsluna eða setið heima.

Bæði spítalann og stjórnmálaflokkana vantar jákvætt fólk til að bæta ímynd þessara stofnana. Það er ekki eðlilegt að enginn vilji kjósa ákveðna flokka eða leita sér hjálpar á bráðamóttöku vegna ólundar og fýlupokastjórnunar. Það þarf að kenna fólki að hætta að tala sjálft sig niður!

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

EyjanFastir pennar
Fyrir 1 viku

Svarthöfði skrifar: Flokksgæðingar fallinna flokka maka krókinn á Grindavík

Svarthöfði skrifar: Flokksgæðingar fallinna flokka maka krókinn á Grindavík
EyjanFastir pennar
Fyrir 1 viku

Davíð Þór Björgvinsson skrifar: Ísland, NATO og varnarsamningurinn

Davíð Þór Björgvinsson skrifar: Ísland, NATO og varnarsamningurinn
EyjanFastir pennar
Fyrir 1 viku

Ágúst Borgþór skrifar: Skjól fyrir þolendur eða eltihrella?

Ágúst Borgþór skrifar: Skjól fyrir þolendur eða eltihrella?
EyjanFastir pennar
Fyrir 2 vikum

Sigmundur Ernir skrifar: Nú drepa þeir tvo fyrir einn

Sigmundur Ernir skrifar: Nú drepa þeir tvo fyrir einn
EyjanFastir pennar
Fyrir 2 vikum

Óttar Guðmundsson skrifar: Herra langveikur

Óttar Guðmundsson skrifar: Herra langveikur
EyjanFastir pennar
Fyrir 3 vikum

Óttar Guðmundsson skrifar: Göngugrindahlaup

Óttar Guðmundsson skrifar: Göngugrindahlaup
EyjanFastir pennar
Fyrir 3 vikum

Þorsteinn Pálsson skrifar: Um hvað snýst bandalag?

Þorsteinn Pálsson skrifar: Um hvað snýst bandalag?
EyjanFastir pennar
28.02.2025

Steinunn Ólína skrifar: Ayahuasca og andleg reynsla á Landspítalanum

Steinunn Ólína skrifar: Ayahuasca og andleg reynsla á Landspítalanum
EyjanFastir pennar
27.02.2025

Svarthöfði skrifar: Gamla Sovétið leggur hægrinu lið

Svarthöfði skrifar: Gamla Sovétið leggur hægrinu lið