fbpx
Laugardagur 05.apríl 2025
Eyjan

Berglind Rán Ólafsdóttir: Eitt gramm dugar til að framleiða heilt tonn af kjöti

Ritstjórn Eyjunnar
Þriðjudaginn 20. febrúar 2024 12:30

Berglind Rán Ólafsdóttir, forstýra Orf líftækni.

Ekki missa af Helstu tíðindum dagsins í pósthólfið þitt

Lesa nánar

Orf líftækni notar mun ódýrari og umhverfisvænni tækni og nálgun við þróun og framleiðslu vaxtarþátta fyrir vistkjötframleiðslu en keppinautarnir. Þá þarf einungis eitt gramm af vaxtarþáttum til að framleiða heilt tonn af kjöti. Tæknin sem Orf líftækni notar kemur í veg fyrir að fyrirtækið þurfi að nota stóra, dýra og óumhverfisvæna stáltanka til að láta örverur fjölga sér. Berglind Rán er gestur Ólafs Arnarsonar í hlaðvarpi Markaðarins á Eyjunni.

Markaðurinn - Berglind Rán Ólafsdóttir - 4.mp4
play-sharp-fill

Markaðurinn - Berglind Rán Ólafsdóttir - 4.mp4

Berglind segir Orf líftækni ekki þurfa að nota þessa dýru og óumhverfisvænu stáltanka vegna þess að þeirra próteinframleiðsla byggi á allt annarri nálgun. „Það er af því að við erum að nota bygg-kerfið. Fræið er í rauninni okkar stáltankur. Frumurnar í bygginu framleiða próteinið í fræinu.“

Þetta er allt önnur tækni en keppinautarnir eru að nota. „Keppinautarnir eru að framleiða t.d. úr gersveppum og bakteríum, e-coli. Þessar örverur eru settar í stóra tanka þar sem þær fjölga sér,“ segir Berglind.

Hægt er að hlusta á hlaðvarpið í heild sinni hér :

Einnig er hægt að hlusta á Spotify eða hlaðvarpsþjónustu Google:

Allt starfsfólk Orf líftækni, 24 manneskjur, er hér á Íslandi. Markaðsstarfið og viðskiptaþróun fer fram hér á landi en utan landsteinanna er fyrirtækið með framleiðslu í Kanada. „Meginástæðan fyrir því var sú að einn stofnendanna hefur tengsl við Kanada og þekkir það umhverfi vel og það var ákveðið að prófa útiræktun þar, sem hefur gengið alveg lygilega vel,“ segir Berglind. Hún segir ræktunina þar vestra vera á nokkrum hekturum.

„Einn af kostunum við byggið er að það þarf ekki næringarríkasta jarðveginn. Við erum ekki að keppa við allar aðrar fæðutegundir. Sumir okkar keppinauta þurfa mjög næringarríkan jarðveg og þá er hann dýrari. Þetta er frekar harðgerð planta. En það besta við hana er að hún dreifir sér ekki.“

Já, þannig að hún verður ekki sjálfstætt vandamál.

„Nei, og það erum við búin að sýna fram á með því að rækta í Kanada í 10 ár.“

Berglind segir Orf líftækni vissulega þurfa eitthvert landrými ef horft er til framtíðar, það sé hins vegar mjög lítið ef horft er til byggræktar í heiminum, aðeins brotabrot.

„Það þarf svo fáar einingar af vaxtarþáttum í að framleiða vistkjötið. Það þarf eitt gramm til að framleiða eitt tonn af kjöti.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 3 dögum

Ber mál Le Pen saman við mál Flokks fólksins

Ber mál Le Pen saman við mál Flokks fólksins
Eyjan
Fyrir 3 dögum

Logi Einarsson: Gerum eins og Apple gerir – samþættum tækniþróun og hönnun

Logi Einarsson: Gerum eins og Apple gerir – samþættum tækniþróun og hönnun
Eyjan
Fyrir 4 dögum

Trump fagnaði og sagði að áætlun hans væri að ganga upp – Setja Kínverjar honum stólinn fyrir dyrnar?

Trump fagnaði og sagði að áætlun hans væri að ganga upp – Setja Kínverjar honum stólinn fyrir dyrnar?
Eyjan
Fyrir 5 dögum

Orðið á götunni: Þú kaupir af Guðbjörgu í hverri viku – umframhagnaður sægreifa fer í að kaupa upp atvinnulífið

Orðið á götunni: Þú kaupir af Guðbjörgu í hverri viku – umframhagnaður sægreifa fer í að kaupa upp atvinnulífið
EyjanFastir pennar
Fyrir 6 dögum

Óttar Guðmundsson skrifar: Gísli, Eiríkur og Helgi

Óttar Guðmundsson skrifar: Gísli, Eiríkur og Helgi
Eyjan
Fyrir 1 viku

Bæjarstjóri harðlega gagnrýnd og kölluð einræðisherra – „Ég held að það sé leitun að eins ómerkilegri manneskju og Ásdísi Kristjánsdóttur“

Bæjarstjóri harðlega gagnrýnd og kölluð einræðisherra – „Ég held að það sé leitun að eins ómerkilegri manneskju og Ásdísi Kristjánsdóttur“
Eyjan
Fyrir 1 viku

Framsóknarmenn sárir og svekktir á Alþingi – „Vera ekki að hreykja sér af verkum annarra“

Framsóknarmenn sárir og svekktir á Alþingi – „Vera ekki að hreykja sér af verkum annarra“
EyjanFastir pennar
Fyrir 1 viku

Þorsteinn Pálsson skrifar: Boðflennur, fullveldi og fjölþjóðasamvinna

Þorsteinn Pálsson skrifar: Boðflennur, fullveldi og fjölþjóðasamvinna
Hide picture