Lyfja hefur gert samning við Origo um að innleiða rafræna hillumiða frá SES-imagotag í verslanir sínar. Lyfja verður fyrsta fyrirtækið á Íslandi til þess nýta sér, í bland við hefðbundna hillumiða, nýja kynslóð af rafrænum hillumiðum sem kallast Vusion Rail. Um er ræða byltingarkennda, nýja tækni í verðmerkingum sem gerir verslunum kleift að keyra söluherferðir og kynningarmyndbönd samhliða verði.
„Við skoðuðum helstu lausnir á markaðnum og völdum SES-imagotag vegna verðs, skýjalausnar og möguleika hugbúnaðarins. Eins er SES stærsti aðilinn á markaðnum á heimsvísu og stækkar hratt,“ segir Þorvaldur Einarsson, framkvæmdastjóri tæknisviðs Lyfju.
SES Imagotag eru leiðandi framleiðandi á heimsvísu þegar kemur að rafrænum hillumiðum. Markmið þeirra er að styðja verslanir í stafrænni umbreytingu og eru stöðugt settar fram nýjar og spennandi úrbætur.
„Vusion Rail er fullkomin leið til að auka sýnileika á verðmætum vörumerkjum. Með þessari lausn er hægt að keyra söluherferðir samhliða verði og þannig samnýta markaðsefnið enn betur,“ segir Sunna Mist Sigurðardóttir, lausnastjóri hjá Afgreiðslulausnum Origo.
Með innleiðingu Vusion Rail verðmerkinga er hægt að stuðla að aukinni vörumerkjavitund með því að beina athygli viðskiptavina að ákveðnum vörum í verslun með fágaðri framsetningu. Með þessari nýju kynslóð rafrænna hillumiða er hægt að beita skapandi markaðssetningu sem skilar árangri en söluherferðir með Vusion Rail hafa sýnt fram á aukna sölu og mælanlegan árangur.
Bætt upplifun viðskiptavina
Í tilkynningu frá Lyfju segir að viðskiptavinir upplifi gjarnan meiri tengingu við vörur í gegnum lifandi myndefni og framsetningu. Vusion Rail geri vörumerkjum kleift að birta hnitmiðaðar auglýsingar og verðupplýsingar í HD gæðum á þunnum LCD skjáum. Þessi nýja kynslóð rafrænna hillumiða bjóði því upp á frábæra leið til að nota skjái fyrir lifandi myndefni á sama stað og verðmerkingar í markaðslegum tilgangi.
„Lausnin gerir okkur kleift að birta mun meiri upplýsingar á verðmiðum, t.d. upplýsingar um innihald og eiginleika vöru. Við sjáum mikla möguleika í að nota Vusion Rail lausnina á 1-2 stöðum í verslunum okkar til að leggja áherslu og beina athygli viðskiptavina á valdar vörur. Það er einnig auðvelt að breyta hönnun, bæta við myndum af vörunni og gera mismunandi útlit á hillumiðunum sem gerir ferlið þægilegt, segir Þorvaldur Einarsson.
