Brynjar Níelsson segir ljóst að biskup Íslands sé umboðslaus ef ekki eru til skýrar heimildir í reglum og/eða lögum sem kveða á um annað.
Brynjar, sem er viðmælandi Ólafs Arnarsonar í hlaðvarpi Markaðarins á Eyjunni, segir að þegar fólk sé kosið til einhverra embætta komi að því að kjörtímabilið renni út og þá falli niður það umboð sem kosningin veitti.
Markaðurinn: Brynjar Nielsson 3
„Ef til eru einhverjar reglur sem heimila framlengingu umboðsins með þessum hætti segi ég bara: sýnið mér þær reglur,“ segir Brynjar og bætir því við að ef slíkum reglum væri til að dreifa væri án efa búið að draga þær fram í dagsljósið.
Að sögn Brynjars hafði framkvæmdaráð Kirkjuþings enga heimild til að framlengja ráðningu biskups á síðasta ári og fráleitt sé að starfsmaður Biskupsstofu geti gert ráðningarsamning við einhvern um að gegna embætti biskups.
„Einhvern veginn verður kirkjunni allt til ógæfu um þessar mundir,“ segir Brynjar.
