Kári Stefánsson, forstjóri Íslenskrar erfðagreiningar, segir að á hverjum morgni finnist honum eins og hann sé að fara í leikskólann að leika sér í sandkassanum þegar hann fer í vinnuna. Hann segir það vera forréttindi að fá að vinna við sitt helsta áhugamál. Dásamlegt sé að vinna við það sem gefur honum svo mikla gleði.
Markaðurinn - Kári Stefánsson - 9
Kári er viðmælandi Ólafs Arnarsonar í hlaðvarpi Markaðarins á Eyjunni.
Aðspurður segir hann að vitanlega sé hann farinn að huga að starfslokum. Fyrstu viðbrögð hans við þeirri fullyrðingu Ólafs að enginn sé eilífur eru hins vegar að þar verði Ólafur að tala fyrir sig sjálfan, en vitaskuld er það í gríni.
„Jú, ég hef velt því töluvert fyrir mér hvernig þetta hlutverk verður tekið yfir af einhverjum öðrum,“ segir Kári sem segist telja sig vera í ágætis stöðu til að vera í sínu hlutverki eitthvað áfram.
„Þetta fer allt eftir því hvernig mér líður, hvernig mér finnst ég ráða við þetta og hvernig öðrum finnst ég ráða við þetta,“ segir Kári. „Mér finnst ég vera í ágætis aðstöðu til að vera í þessu hlutverki eitthvað áfram en ég veit ekki hvort við erum að tala um eitt ár eða tvö. Eða tuttugu. Einhvern tíma verður maður að hætta“
En er Kári með eftirmann í huga? Er hann búinn að þjálfa einhvern upp í hlutverkið?
„Nei, ég vel ekki eftirmann minn,“ segir Kári
