Fyrir fimm árum síðan, í júlí 2018, skilaði Sigurður Þórðarson, settur ríkisendurskoðand í málefnum Lindarhvols, inn greinargerð um starfsemi félagsins. Greinargerðinni var stungið ofan í skúffu og þar hefur hún legið síðan þrátt fyrir lögfræðiálit liggi fyrir um að skylt væri að birta skjalið. Sá sem hefur staðið í vegi fyrir því er Birgir Ármansson, forseti Alþingis, en hér að neðan geta lesendur nú nálgast greinargerðina sem Birgir vildi fela.
Greinargerd setts rikisendurskodanda – dags. júlí 2018
Eins og greint var frá fyrr í dag hefur Sigurður nú vísað Lindarhvolsmálinu til ríkissaksóknara til efnislegrar meðferðar og afgreiðslu.
Sjá einnig: Lindarhvolsmálinu vísað til ríkissaksóknara – DV
Félagið Lindarhvoll var sett á stofn til að annast umsýslu, fullnustu og sölu á eignum sem ríkið fékk í sinn hlut við nauðarsamninga slitabúa fallinna fjármálafyrirtæka. Lindarhvoll lauk starfsemi í febrúar 2018. Félagið kom umtalsverðum eignum í verð en talið er að þær hafi numið um 60 milljörðum króna að verðmæti þegar það var stofnað.
Lögmannsstofan Íslög fékk greiddar 100 milljónir frá Lindarhvoli fyrir umsjón með rekstri þess. Rekstrarkostnaður Lindarhvols á sama tíma nam 196 milljónum króna, en félagið greiddi Íslögum 80 milljónir fyrir umsjón með rekstri þess, en virðisaukaskattur nam 19 milljónum króna. Var félaginu síðan slitið í febrúarbyrjun 2018.
