Ný stjórn FKA framtíðar hefur verið kosin fyrir næsta starfsár, en FKA Framtíð er deild innan Félags kvenna í atvinnulífinu og er með yfir 400 félagskonur, segir í tilkynningu frá FKA.
Aðalfundur FKA Framtíðar var haldinn á dögunum og kosin stjórn fyrir næsta starfsár. FKA Framtíð er deild innan Félags kvenna í atvinnulífinu (FKA) fyrir konur sem vilja vaxa og ná lengra í íslensku atvinnulífi. Deildin leggur mikla áherslu á virka uppbyggingu tengslanets og hagnýta fræðslu sem nýtist sem innlegg í starfsframa og þróun, bæði fag- og persónulega. Deildin er fyrir konur sem vilja halda áfram að læra, þróast, þiggja og gefa af sér til annarra kvenna. FKA Framtíð vill vera stökkpallur fyrir ný tækifæri og framþróun og stuðningsnet fyrir konur svo þær geti fullnýtt hæfileika sína og möguleika. FKA Framtíð trúir því að saman séum við sterkari en umfram allt þá þurfi að vera gaman!
Mentorverkefni FKA Framtíðar er gríðarlega mikilvægt og eftirsótt verkefni þar sem komið er upp mentor samstarfi milli kvenna t.d. milli reyndra leiðtoga og óreyndari. Síðastliðin vetur tóku hátt í 100 konur úr atvinnulífinu þátt í Mentorverkefninu og er ný stjórn með háleit markmið um að stækka verkefnið enn frekar.
Kosið er til tveggja ára í senn, ný stjórn FKA Framtíðar skipa:
Ný stjórn FKA Framtíðar vill þakka fráfarandi stjórnarmeðlimum fyrir þeirra framlag síðastliðinn tvö ár, en það eru Anna Björk Árnadóttir framkvæmdastjóri og eigandi Eventum viðburðarfyrirtækis, Bergrún Lilja Sigurjónsdóttir mannauðs- og skrifstofustjóri JIKO og Thelma Kristín Kvaran stjórnendaráðgjafi og meðeigandi hjá Intellecta.
Þegar formlegri dagskrá aðalfundar FKA Framtíðar var lokið tóku Vínkonur við með skemmtilegri & fræðandi kynningu um vín.
