fbpx
Þriðjudagur 16.júlí 2024
Eyjan

Bandaríkin undirbúa óhefðbundinn stríðsrekstur gegn Rússum

Kristján Kristjánsson
Laugardaginn 15. janúar 2022 18:00

Úkraínskur hermaður í Donetsk að vetri til. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Bandaríska varnarmálaráðuneytið, Pentagon, hefur undanfarið unnið að undirbúningi óhefðbundinnar áætlunar til að aðstoða Úkraínu í átökum við Rússland en óttast er að Rússar muni ráðast inn í Úkraínu á næstunni. En ef þeir láta verða af því standa þeir frammi fyrir blóðugum átökum sem munu væntanlega verða þeim dýrkeypt.

Samkvæmt frétt New York Times þá hyggst Pentagon láta hart mæta hörðu ef Rússar ráðast á Úkraínu. Ekki verður um hefðbundinn stríðsrekstur að ræða þar sem bandarískar hersveitir verða sendar á átakasvæði. Þess í stað munu Bandaríkin og bandamenn veita Úkraínu gríðarlega mikinn stuðning til að uppreisnarhópar Úkraínumanna geti barist á móti Rússum.

Blaðið segir að þessi hugmynd hafi lengi verið á lofti og hafi Jake Sullivan, þjóðaröryggisráðgjafi Joe Biden, sett saman sérstakan vinnuhóp sem sé að undirbúa viðbrögð við ágengni og hugsanlegum árásum Rússa á Úkraínu. Í hópnum eru til dæmis fulltrúar frá varnarmálaráðuneytinu, fjármálaráðuneytinu og hinna ýmsu leyniþjónustustofnana.

Með þessu auk boðaðra refsinga á efnahagssviðinu gagnvart Rússum ef þeir ráðast á Úkraínu er ætlunin að gera Rússum ljóst að þeir muni mæta svo mikilli mótstöðu í Úkraínu að þeim sé vænlegast að sleppa því að ráðast á landið. Þessi taktík, sem nefnist „porcupine strategy“ (broddgalta taktíkin), hefur verið þekkt innan hersins árum saman og hefur verið notuð áður með góðum árangri.

Í þessari áætlun felst að uppreisnarhópar í Úkraínu, sem munu berjast gegn Rússum, muni fá margvíslegan vopnabúnað frá Bandaríkjunum, þar á meðal Stingerflaugar. Einnig verður komið upp öruggum svæðum þar sem úkraínskir hermenn og uppreisnarmenn geta leitað skjóls ef Rússar ráðast á þá. Slík svæði gætu til dæmis verið í vesturhluta Úkraínu eða í Rúmeníu ef Rússar réðust af fullum þunga á alla Úkraínu. Frá þessum svæðum verður hægt að stýra árásum á Rússa sem munu reynast þeim dýrkeyptar.

Bandaríkin beittu svipaðri aðferð þegar þeir studdu baráttu Afgana gegn sovéska innrásarliðinu á síðustu öld.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 5 dögum

Þorsteinn Pálsson: Þingmenn Sjálfstæðisflokksins skattleggja gamla fólkið fremur en að tryggja jafnræði allra á fjármálamarkaði

Þorsteinn Pálsson: Þingmenn Sjálfstæðisflokksins skattleggja gamla fólkið fremur en að tryggja jafnræði allra á fjármálamarkaði
Eyjan
Fyrir 5 dögum

Sakar Reykjavíkurborg um að draga lappirnar varðandi viðbrögð við rafhjólaslysum

Sakar Reykjavíkurborg um að draga lappirnar varðandi viðbrögð við rafhjólaslysum
Eyjan
Fyrir 1 viku

Segir sigur Kristrúnar og Samfylkingarinnar geta orðið mun stærri en búist er við

Segir sigur Kristrúnar og Samfylkingarinnar geta orðið mun stærri en búist er við
Eyjan
Fyrir 1 viku

Rasismi sagður á uppleið í Frakklandi – Spennan magnast fyrir seinni umferð þingkosninganna – Ofbeldisverk framin af bæði vinstri og hægri mönnum

Rasismi sagður á uppleið í Frakklandi – Spennan magnast fyrir seinni umferð þingkosninganna – Ofbeldisverk framin af bæði vinstri og hægri mönnum
Eyjan
Fyrir 1 viku

Kristrún óskar Starmer til hamingju með sögulegan sigur

Kristrún óskar Starmer til hamingju með sögulegan sigur
Eyjan
Fyrir 1 viku

Gagnrýnir ríkisstjórnina harðlega og líkir við hræddan strút – „Hefur sýnt að hinn almenni borgari getur étið það sem úti frýs“

Gagnrýnir ríkisstjórnina harðlega og líkir við hræddan strút – „Hefur sýnt að hinn almenni borgari getur étið það sem úti frýs“