fbpx
Þriðjudagur 01.apríl 2025
Eyjan

Meira en helmingi fleiri farþegar með PLAY í apríl og 72% sætanýting

Eyjan
Mánudaginn 9. maí 2022 12:21

Birgir Jónsson, forstjóri, Play. Mynd/Eyþór

Ekki missa af Helstu tíðindum dagsins í pósthólfið þitt

Lesa nánar

Flugfélagið PLAY flutti 36.669 farþega í apríl sem eru meira en helmingi fleiri farþegar en í marsmánuði þegar PLAY flutti 23.677 farþega. Sætanýting var 72,4% samanborið við 66,9% í mars. Sætanýting jókst nokkuð mikið í apríl þrátt fyrir að fyrsta flug PLAY til Bandaríkjanna hafi verið undir lok mánaðar. Í tilkynningu frá félaginu segir að þessar tölur séu til marks um meiri eftirspurn á öllum mörkuðum PLAY í apríl . Þá fóru 90,1% flugferða PLAY fóru á réttum tíma í apríl samkvæmt tölum frá fyrirtækinu.  Þá hafi bókunarstaðan aldrei verið eins sterk og á undanförnum vikum og gerir félagið ráð fyrir því að sú þróun muni halda áfram, sérstaklega með tilkomu tengiflugs yfir Atlantshafið.

Fyrsta flug PLAY til Bandaríkjanna

Þann 20. apríl urðu þáttaskil í rekstri PLAY þegar fyrsta áætlunarferðin var farin vestur um haf til Bandaríkjanna. Áfangastaðurinn var Baltimore/Washington International-flugvöllurinn þangað sem flogið er daglega. Nú er hafinn næsti kafli í sögu félagsins með farþegaflutningum yfir Atlantshafið sem stækkar markaðssvæði félagsins til muna. Einnig bættist Dublin við leiðakerfi PLAY í apríl.

Átta nýir áfangastaðir í maí

Í maí bætast átta nýir áfangastaðir við leiðakerfi PLAY; Lissabon í Portúgal, Stafangur og Þrándheimur í Noregi, Malaga á Spáni, Prag í Tékklandi, Gautaborg í Svíþjóð, Boston í Bandaríkjunum og Brussel í Belgíu. PLAY verður því með 25 áfangastaði beggja vegna Atlantshafsins árið 2022.

„Á síðustu vikum og mánuðum höfum við greinilega fundið fyrir aukinni eftirspurn og frábærum viðtökum vegna nýrra áfangastaða. Eftir krefjandi vetur er gleðilegt að sjá aukna sætanýtingu og vaxandi farþegafjölda verða að veruleika. Við erum sannfærð um að þessi þróun komi til með að halda áfram enda er bókunarstaðan til framtíðar sterk, sérstaklega eftir að miðasala til Bandaríkjanna hófst en með því að flytja farþega yfir Atlantshafið eykst nýting á helstu áfangastaði okkar í evrópskum borgum. PLAY teymið hefur unnið sleitulaust að því markmiði að koma tengifluginu á koppinn og með nákvæmni og fagmennsku hefur okkur tekist að ná því markmiði,“ er haft eftir Birgi Jónssyni, forstjóra PLAY, í tilkynningunni.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

EyjanFastir pennar
Fyrir 3 dögum

Steinunn Ólína skrifar: Þjóðarátak í ofbeldi

Steinunn Ólína skrifar: Þjóðarátak í ofbeldi
Eyjan
Fyrir 4 dögum

„Við höfum ekki áhuga á útlendingamálum eða að leysa vandamálin á Íslandi“

„Við höfum ekki áhuga á útlendingamálum eða að leysa vandamálin á Íslandi“
EyjanFastir pennar
Fyrir 5 dögum

Svarthöfði skrifar: Skilningslaus ríkisstjórn – hver á núna að halda uppi húsnæðisverði á Íslandi?

Svarthöfði skrifar: Skilningslaus ríkisstjórn – hver á núna að halda uppi húsnæðisverði á Íslandi?
Eyjan
Fyrir 5 dögum

„Undarlegt að fólk gagnrýni þá skoðun sem einhvers konar „menntasnobb““

„Undarlegt að fólk gagnrýni þá skoðun sem einhvers konar „menntasnobb““
Eyjan
Fyrir 1 viku

Heiða Björg borgarstjóri: Sjálfstæðismenn seldu hlutinn í Landsvirkjun – borgarbúar njóta ekki arðgreiðsla þaðan

Heiða Björg borgarstjóri: Sjálfstæðismenn seldu hlutinn í Landsvirkjun – borgarbúar njóta ekki arðgreiðsla þaðan
Eyjan
Fyrir 1 viku

Heiða Björg Hilmisdóttir: Kannski er mér kennt um að Sjálfstæðisflokkurinn komst ekki til valda

Heiða Björg Hilmisdóttir: Kannski er mér kennt um að Sjálfstæðisflokkurinn komst ekki til valda