fbpx
Miðvikudagur 24.júlí 2024
Eyjan

Jón Steinar segir að lögbrot hafi verið framið þegar hann var skipaður hæstaréttardómari

Kristján Kristjánsson
Fimmtudaginn 10. febrúar 2022 07:09

Jón Steinar Gunnlaugsson. Mynd/ERNIR

Ekki missa af Helstu tíðindum dagsins í pósthólfið þitt

Lesa nánar

Jón Steinar Gunnlaugsson, hæstaréttarlögmaður og fyrrum dómari við Hæstarétt, segir að lögbrot hafi verið framið þegar hann var skipaður dómari við Hæstarétt 2004.

Þetta kemur fram í grein sem Jón Steinar skrifar í Morgunblaðið í dag en hún ber fyrirsögnina „Minna en hálf sagan sögð.“

Tilefni skrifa Jóns Steinars er að nýlega kom bókin „Hæstiréttur Íslands í hundrað ár“ út. Það er Hæstiréttur sem gefur bókina út og var Arnþór Gunnarsson, sagnfræðingur, fenginn til að skrifa bókina. Yfir honum var síðan ritnefnd sem Hæstiréttur skipaði og áttu meðal annars fyrrverandi dómarar við réttinn sæti í henni.

„Í nýjustu útgáfu netmiðilsins Stundarinnar er að finna grein um hluta af efni þessarar bókar. Þar er einkum fjallað um það sem í bókinni segir um skipan tveggja dómara að réttinum á árunum 2003 og 2004. Þeir eru Ólafur Börkur Þorvaldsson, sem ennþá er starfandi, og undirritaður, Jón Steinar Gunnlaugsson, sem var skipaður á árinu 2004 en lét af störfum 2012. Meginefni þessarar umfjöllunar er að halda því fram að þessir tveir dómarar hafi verið skipaðir á pólitískum forsendum og ekki verðskuldað starfið. Er m.a. reynt að gera lítið úr þekkingu þeirra á lögfræði,“ segir Jón Steinar og bætir við að þetta skaði hann ekki mikið því sjálfur hafi hann gefið út margar bækur sem séu vitnisburður um hvað hann kunni fyrir sér í fræðunum.

Hann víkur síðan að skipun þeirri sem hann hlaut í embætti Hæstaréttardómara árið 2004 og segir svo sannarlega rétt að brotið hafi verið gegn lögum í tengslum við hana. „Fólst það í ólögmætum ráðstöfunum dómara, sem þá sátu í réttinum, til að reyna að hindra skipun mína. Var það sýnilega vegna gagnrýni minnar sem þeir höfðu ekki treyst sér til að svara. Líklega hefur háttsemi sumra þeirra þá hreinlega verið refsiverð, þó að ég hafi á sínum tíma ákveðið að fylgja því máli ekki eftir,“ segir hann.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 1 viku

Forsætisráðherra Grænlands heimsótti íslensku gullvinnsluna

Forsætisráðherra Grænlands heimsótti íslensku gullvinnsluna
Eyjan
Fyrir 1 viku

Iðjulaus Brynjar fer í búðina oft á dag – Þetta er ástæðan

Iðjulaus Brynjar fer í búðina oft á dag – Þetta er ástæðan