„Á henni hafa dunið sví­virði­legar ásak­anir um alls konar glæpi sem hún á að hafa framið gegn starfs­fólki á skrif­stof­unni sem er eign Efl­ing­ar­fé­laga. Fremst í flokki óhróð­urs­meist­ar­anna voru fyrr­ver­andi stjórn­endur sem áttu greiðan aðgang að fjöl­miðlum og hafa not­fært sér óspart frá því skömmu eftir að hún tók við emb­ætti,“ segir Birna Gunnarsdóttir, systir Sólveigar Önnu Jónsdóttur, í grein sem hún birtir á Kjarnanum.

Greinin ber yfirskriftina „Mannorð Sólveigar Önnu Jónsdóttur,“ og hefst á þessum orðum: „Allt frá því að Sól­veig Anna Jóns­dóttir bauð sig fram og sigr­aði í for­manns­kjöri verka­lýðs­fé­lags­ins Efl­ingar hefur hún mátt fyrir sitja undir svo ótrú­legum óhróðri og æru­meið­ingum að annað eins hefur varla sést hér­lendis í ára­tugi.“

Sólveig Anna sagði af sér embætti sem formaður Eflingar í haust í kjölfar mikilla deilna við starfsfólk félagsins. Hún sækist nú eftir formannsembættinu á ný og leiðir einn þriggja lista sem eru í framboði til stjórnar á aðalfundi félagsins sem haldinn verður 15. febrúar.

Birna gagnrýnir umfjöllun um úttekt sem sálfræðistofan Líf og sál vann fyrir Eflingu þar sem dregin er upp svört mynd af vinnuaðstæðum á skrifstofu Eflingar í formannstíð Sólveigar Önnu. Er þar greint frá ásökunum í garð framkvæmdastjórans, Viðars Þorsteinssonar, um kynbundna áreitni, ofbeldi og einelti, að virðist í skjóli formanns. Birni bendir á að Sólveig Anna hafi sjálf ekki fengið að sjá þessa skýrslu en þó hafi verið fjallað um hana í fjölmiðlum. Ljóst er einnig að hvorki Sólveig Anna né Viðar höfðu vitneskju um rannsóknina og fengu ekki að koma sínu á framfæri við skýrsluhöfunda. Birna skrifar:

„Fram­koma Efl­ingar er auð­vitað for­kast­an­leg en alls ekki síður sál­fræði­stof­unnar Lífs og sálar sem gerir úttekt­ina án þess að leita á nokkurn hátt eftir áliti þeirra sem eru til umfjöll­un­ar, afla gagna sem hefðu getað varpað ljósi á sögu og stöðu mála né yfir­höfuð til­kynna þeim að þau séu við­fangs­efni úttekt­ar­inn­ar. Þá hefði Lífi og sál mátt vera ljóst að nið­ur­stöður úttekt­ar­innar gætu verið til þess fallnar að hafa áhrif á úrslit kosn­inga í einu stærsta verka­lýðs­fé­lagi lands­ins, sem hlýtur að gera auknar kröfur til vand­aðra og sið­legra vinnu­bragða. Spyrja má hvort skeyt­ing­ar­leysi um þessa þætti, hvort sem það stafar af ásetn­ingi eða ein­feldni, feli í sér brot á siða­reglum sál­fræð­inga.“