fbpx
Föstudagur 25.apríl 2025
Eyjan

Athyglisverðar tölur – Miklu fleiri látast af völdum COVID-19 í ríkjum þar sem Trump nýtur mikils stuðnings

Kristján Kristjánsson
Föstudaginn 12. nóvember 2021 06:00

Donald Trump. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Á hverjum degi látast rúmlega 1.000 manns af völdum COVID-19 í Bandaríkjunum. Nýjar tölur sýna að mikill munur er á dánartíðninni á milli landshluta. New York Times tók nýlega saman yfirlit yfir andlátin af völdum COVID-19 í október og sýna tölurnar að tengsl eru á milli þess hvað íbúar kusu í forsetakosningunum á síðasta ári og dánartíðni. Sömu niðurstöður koma fram í samantekt npr.org

Í sýslum þar sem að minnsta kosti 60% kusu Donald Trump var dánartíðnin í október 25 á hverja 100.000 íbúa. Í sýslum þar sem að minnsta kosti 60% kusu Joe Biden var dánartíðnin 7,8 á hverja 100.000 íbúa. Það eru sem sagt þrisvar sinnum meiri líkur á að deyja af völdum COVID-19 í „Trumplandi“ miðað við í „Bidenlandi“.

Þegar faraldurinn skall fyrst á Bandaríkjunum var myndin önnur. Þá voru það New York og New Jersey sem voru í verstu stöðunni en í mars og apríl á síðasta ári var rúmlega helmingur smitanna í landinu í þessum tveimur ríkjum. Í þessum ríkjum sigraði Biden með 23 og 16 prósentustiga mun.

Afstaða fólks til bólusetninga ræður miklu. Mynd:Getty

Nokkrum mánuðum eftir að veiran barst til Bandaríkjanna fór hún að breiðast út um landið af meiri krafti og fjöldi smita í Suðurríkjunum og Miðvesturríkjunum fór vaxandi en í þeim ríkjum njóta Repúblikanar mikils stuðnings. Í desember höfðu hlutföllin jafnast út og dánartíðnin var mjög jöfn um öll Bandaríkin.

Síðan komu bóluefnin og Bandaríkin voru í fararbroddi við að hefja bólusetningar. Leiðtogar Demókrata voru fljótir að fylkja sér á bak við bóluefnin og mæla með þeim en margir áhrifamenn í Repúblikanaflokknum voru efins og létu efasemdir sínar í ljós. Þetta varð til þess að mikill munur varð á hversu margir létu bólusetja sig. Tölur frá Our World in Data sýna að hlutfall bólusettra er 30-40% hærra í ríkjum sem Biden sigraði í en þar sem Trump sigraði. Þetta hefur haft í för með sér að faraldurinn hefur lagst þyngra á ríki þar sem Trump nýtur mikils stuðnings. Þessi þróun hefur haldið áfram og október er sá mánuður þar sem munurinn hefur verið mestur til þessa.

Í heildina er dánartíðnin af völdum COVID-19 hæst í Bandaríkjunum af löndunum í Norður-Ameríku og ef borið er saman við Vestur-Evrópu.

Á síðustu tveimur vikum hefur hættan á að deyja af völdum COVID-19 verið rúmlega fimm sinnum meiri í Bandarikjunum en í löndum á borð við Spán, Frakkland og Ítalíu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

EyjanFastir pennar
Fyrir 5 dögum

Sigmundur Ernir skrifar: Mesta lýðræðisógn okkar tíma

Sigmundur Ernir skrifar: Mesta lýðræðisógn okkar tíma
Eyjan
Fyrir 5 dögum

Hanna Katrín: Veiðigjöld eiga ekki að byggja á innanhússverði hjá fiskvinnslu og veiðum sem eru undir sama hatti

Hanna Katrín: Veiðigjöld eiga ekki að byggja á innanhússverði hjá fiskvinnslu og veiðum sem eru undir sama hatti
EyjanFastir pennar
Fyrir 1 viku

Þorsteinn Pálsson skrifar: Raunheimar forstjóra og ráðherra

Þorsteinn Pálsson skrifar: Raunheimar forstjóra og ráðherra
Eyjan
Fyrir 1 viku

Guðmundur Ingi Kristinsson: Embættismennirnir leggjast á árar með okkur

Guðmundur Ingi Kristinsson: Embættismennirnir leggjast á árar með okkur
Eyjan
Fyrir 1 viku

Guðmundur Ingi Kristinsson: Fullkomin samheldni og skýr sýn á verkefnin – ekki veikan hlekk að finna í ríkisstjórninni

Guðmundur Ingi Kristinsson: Fullkomin samheldni og skýr sýn á verkefnin – ekki veikan hlekk að finna í ríkisstjórninni
Eyjan
Fyrir 1 viku

Ole Anton Bieltvedt skrifar: Blaut tuska ríkisstjórnarinnar í andlit meirihluta þjóðarinnar – Ber Inga Sæland ábyrgð?

Ole Anton Bieltvedt skrifar: Blaut tuska ríkisstjórnarinnar í andlit meirihluta þjóðarinnar – Ber Inga Sæland ábyrgð?
Eyjan
Fyrir 1 viku

Risakauphækkun hjá Ásgeiri Jónssyni á síðasta ári – Fékk launaleiðréttingu og orlofsuppgjör ofan á kauphækkun

Risakauphækkun hjá Ásgeiri Jónssyni á síðasta ári – Fékk launaleiðréttingu og orlofsuppgjör ofan á kauphækkun
EyjanFastir pennar
Fyrir 1 viku

Steinunn Ólína skrifar: Kynslóðir í kreppu

Steinunn Ólína skrifar: Kynslóðir í kreppu