fbpx
Þriðjudagur 01.apríl 2025
Eyjan

Gróðureldar og alþjóðlegur þrýstingur geta ýtt undir aðgerðir Rússa í loftslagsmálum

Kristján Kristjánsson
Mánudaginn 1. nóvember 2021 12:45

Ekki missa af Helstu tíðindum dagsins í pósthólfið þitt

Lesa nánar

Rússar eru stór aðili á heimsmarkaði þegar kemur að útflutningi á olíu og gasi en hafa ekki verið mjög áhugasamir um aðgerðir í loftslagsmálum fram að þessu. En gróðureldar og alþjóðlegur þrýstingur geta breytt þessu.

Lengi vel voru Rússar, aðallega stjórnvöld, þeirrar skoðunar að loftslagsbreytingarnar væru aðallega vandamál annarra og að Rússar væru með allt sitt á hreinu. En á síðustu mánuðum hefur opinber afstaða stjórnvalda breyst töluvert.

Á orkumálaráðstefnu í Moskvu í október sagði Vladímír Pútín, forseti, að Rússar muni leitast við að verða kolefnishlutlausir. Hann sagði að því markmiði eigi að ná í síðasta lagi 2060 en með þessu telja margir að Pútín hafi opnað á virkari þátttöku Rússa í alþjóðasamstarfi um loftslagsmál. Aðrir hafa efasemdir um hversu mikil alvara búi að baki þessum orðum forsetans.

En bjartsýnisfólk bendir á að tilkynning Pútín komi á sama tíma og ríkisstjórnin sé að endurskrifa og uppfæra áætlun sína um samdrátt í losun gróðurhúsalofttegunda.

En rússneskur efnahagur byggist að miklum hlut á olíu og því verða breytingar ekki átakalausar. John McCain, bandarískur þingmaður, sagði eitt sinn að Rússland væri í raun ekkert annað en bensínstöð í gervi lands. Hann hitti kannski naglann á höfuðið með þessum ummælum því olían hefur verið hornsteinn rússneska hagkerfisins áratugum saman. Um helmingur tekna ríkissjóðs kemur af sköttum og gjöldum á olíu- og gasiðnaðinn og ef klippt verður snögglega á þetta myndi það hafa hörmulegar afleiðingar fyrir ríkissjóð.

En vitundarvakning virðist vera að eiga sér stað í landinu, ekki síst vegna sífjölgandi náttúruhamfara í landinu sjálfu, allt frá flóðum í suðurhluta þess til gríðarlegra gróður- og skógarelda og losunar á metangasi í Síberíu. Þá hafa Rússar áhyggjur af fyrirætlunum ESB  um að leggja sérstakan loftslagsskatt á innflutning frá ríkjum utan sambandsins og þeir hafa einnig áhyggjur af að Asíuríki feti í fótspor ESB hvað þetta varðar. Það myndi valda þeim miklum vanda við útflutning á olíu og gasi.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

EyjanFastir pennar
Fyrir 4 dögum

Steinunn Ólína skrifar: Þjóðarátak í ofbeldi

Steinunn Ólína skrifar: Þjóðarátak í ofbeldi
Eyjan
Fyrir 4 dögum

„Við höfum ekki áhuga á útlendingamálum eða að leysa vandamálin á Íslandi“

„Við höfum ekki áhuga á útlendingamálum eða að leysa vandamálin á Íslandi“
EyjanFastir pennar
Fyrir 5 dögum

Svarthöfði skrifar: Skilningslaus ríkisstjórn – hver á núna að halda uppi húsnæðisverði á Íslandi?

Svarthöfði skrifar: Skilningslaus ríkisstjórn – hver á núna að halda uppi húsnæðisverði á Íslandi?
Eyjan
Fyrir 5 dögum

„Undarlegt að fólk gagnrýni þá skoðun sem einhvers konar „menntasnobb““

„Undarlegt að fólk gagnrýni þá skoðun sem einhvers konar „menntasnobb““
Eyjan
Fyrir 1 viku

Heiða Björg borgarstjóri: Sjálfstæðismenn seldu hlutinn í Landsvirkjun – borgarbúar njóta ekki arðgreiðsla þaðan

Heiða Björg borgarstjóri: Sjálfstæðismenn seldu hlutinn í Landsvirkjun – borgarbúar njóta ekki arðgreiðsla þaðan
Eyjan
Fyrir 1 viku

Heiða Björg Hilmisdóttir: Kannski er mér kennt um að Sjálfstæðisflokkurinn komst ekki til valda

Heiða Björg Hilmisdóttir: Kannski er mér kennt um að Sjálfstæðisflokkurinn komst ekki til valda