Almannatengillinn og Sjálfstæðismaðurinn Friðjón Friðjónsson og Helga Vala Helgadóttir, þingman Samfylkingarinnar eru ekki sammála um margt enda á andstæðum pólitískum pólum.
Hins vegar eru þau sammála um það að nýbirt auglýsing um embætti forstjóra Landspítalans sé með alltof skömmum umsóknarfrest.
„Það er fráleitt að auglýsa starf forstjóra LSH með 15 daga umsóknarfrest. Þetta er eitt viðamesta og flóknasta opinbera starf sem til er. Viljum við ekki fá umsækjendur?,“ skrifar Friðjón á Twitter.
Það er fráleitt að auglýsa starf forstjóra LSH með 15 daga umsóknarfrest. Þetta er eitt viðamesta og flóknasta opinbera starf sem er til. Viljum við ekki fá umsækjendur?https://t.co/Ia2jYWSWVC
— Friðjón Friðjónsson (@fridjon) October 15, 2021
Undir þetta tekur Helga Vala í athugasemd. „Já, ég verð að vera þér innilega sammála. Líka vekur það alltaf tortryggni þegar auglýst er og umsóknarfrestur framlengdur.“
Friðjón varð þá gáttaður á því að Helga Vala og hann væru sammála um eitthvað annað knattspyrnufélagið Valur sé yfirburðafélag. „Vó! Við sammála um eitthvað annað en dýrð Vals. Þetta er pólitískur jarðskjálfti,“ skrifar Friðjón í svari. Því svarar Helga Vala með: „Skellur“.
Helga Vala gerði gott eitt betur og deildi tísti Friðjóns og skrifaði með deilingunni:
„Er sammála Friðjóni. Það vekur furðu að auglýst sé til eins flóknasta og viðamesta opinbera starfs sem til er hér á landi og umsóknarfrestur sé 15 dagar. Það vekur alltaf ákveðna tortryggni að framlengja frest umfram það sem var en það er líka óeðlilegt að gefa 15 daga.“
Er sammála Friðjóni. Það vekur furðu að augýst sé til eins flóknasta og viðamesta opinbera starfs sem til er hér á landi og umsóknarfrestur sé 15 dagar. Það vekur alltaf ákveðna tortryggni að framlengja frest umfram það sem var en það er líka óeðlilegt að gefa 15 daga. https://t.co/DqusTmzApN
— Helga Vala Helgadóttir 🔴 (@Helgavalan) October 15, 2021
Í athugasemdum við tíst Friðjóns furða sig fleiri á hinum skamma umsóknarfrest og velta því jafnvel fyrir sér hvort hann sé hafður þetta skammur því nú þegar sé búið að ákveða hver fái starfið.
„Það er væntanlega búið að ákveða hver fær starfið og því ekkert verið að sækjast eftir mörgum umsóknum,“ skrifar einn.
„Er þetta ekki umsóknarfrestur fyrir einn ákveðinn umsækjanda?,“ spyr annar. Friðjón svarar því til að hann viti ekki svarið við spurningunni en viti þó að skammur umsóknarfrestur sé tól „þess sem ræður til að fækka umsækjendum“
