Kristrún Frostadóttir, oddviti Samfylkingarinnar í Reykjavík suður og vonarstjarna flokksins, fær það óþvegið á Twitter fyrir viðbrögð sín við tilraunum miðilsins sem og Morgunblaðsins að fjalla um hlutabréfaviðskipti sem hún hagnaðist verulega á, sem starfsmaður Kviku banka, áður en hún sneri sér að stjórnmálum. Er Kristrúnu meðal annars líkt við Donald Trump, fyrrum forseta Bandaríkjanna, sem sakaði tiltekna fjölmiðla iðulega um að vera með horn í síðu sinni.
Eins og DV greindi frá í kvöld fór Kristrún mikinn á Twitter-síðu sinni fyrr í dag þar sem að hún sakaði Morgunblaðið og Viðskiptablaðið um samatekin ráð gagnvart sér vegna spurninga og umfjöllunar miðlanna um þessi persónuleg fjármál hennar.
„Þetta er algjör lágkúra í fjölmiðlun og ástæðan fyrir því að margt ungt fólk veigrar sér við pólitískri þátttöku. Svona fréttamennska er bara til þess fallin að kúga fólk frá lýðræðislegri þátttöku. Ég ætla ekki að leggjast flöt fyrir þessu, þið getið gleymt því,“ sagði Kristrún herská.
Eins og áður segir snýst málið um meintar kaupaukagreiðslum sem Kristrún fékk sem starfsmaður Kviku banka en Viðskiptablaðið velti því upp að hagnaður frambjóðandans gæti hafa hlaupið á 50 – 100 milljónum króna. Þá kom fram að blaðamaður Viðskiptablaðsins hefði reynt að ná sambandi við Kristrínu í nokkra daga, með símtölum og sms-skilaboðu án árangurs. Kristrún hafi síðan kosið að svara fyrir sig með áðurnefndri eldræðu á Twitter
Þar sagðist Kristrún hafa fjárfest sínu eigin sparifé til hlutabréfakaupanna án þess þó að geta þess, að sögn Viðskiptablaðsins, að hún fékk bréfin á verulegum afslætti í krafti stöðu sinnar.
Þetta er í annað skiptið á skömmum tíma sem Kristrún hjólar í Viðskiptablaðið en í fyrra skiptið var hún afar ósátt við nafnlausa dálkahöfunda blaðsins sem hún sakaði um að kúga sig og aðrar konur. Ljóst er að þessi viðbrögð Kristrúnar fellur í grýttan jarðveg hjá þeim sem starfað hafa sem blaðamenn hjá Viðskiptablaðinu og þá sem deila ekki pólitískum skoðunum hennar.
Undanfarið hefur nokkuð verið rætt um starfsumhverfi fjölmiðla. Er þetta það sem koma skal, að fyrirsp fjölmiðla sé ekki svarað og þeim svo gerðar upp einhverjar annarlegar hvatir þegar fjallað er um fjárfestingar stjórnmálamanns? https://t.co/PqzlWXGr60
— Andrea Sigurðardóttir (@andreasig) September 20, 2021
Aftur fer Kristrún all-in í gaslýsingu á Twitter vegna fjölmiðlaumfjöllunar sem hentar henni ekki. Segir að fjölmiðlar þori ekki að mæta henni efnislega en vill samt ekki svara efnislega einföldum spurningum. Hún hefur réttilega fengið mikið hrós en þetta er beyond hallærislegt. https://t.co/fnWDXRBiO2
— Alexander Freyr (@alexander_freyr) September 20, 2021
Mætti halda að þetta væri í fyrsta skipti sem fjölmiðlar kafa ofan í fortíð tilvonandi þingmanna og fjármálaráðherraefni flokka. Spurningum fjölmiðla ekki svarað og umfjöllunin kölluð samsæri. Trömp er víða. https://t.co/6Zj8b730se
— Rafn Steingrímsson (@rafnsteingrims) September 20, 2021
Þarna fær frambjóðandi skiljanlegar spurningar frá fjölmiðlum en kýs að svara þeim ekki og ræðst frekar á þá á samfélagsmiðlum og sakar þá um samsæri. Þetta minnir mig alls ekkert á nýlega fráfarinn forseta Bandaríkjanna bara alls ekki. https://t.co/LWZn5jhGQK
— Sævar Helgi (@SaevarHelgi) September 20, 2021
