fbpx
Miðvikudagur 02.apríl 2025
Eyjan

Gera ráð fyrir 11 milljarða halla á rekstri borgarinnar á næsta ári

Kristján Kristjánsson
Miðvikudaginn 2. desember 2020 09:00

Ráðhús Reykjavíkur.

Ekki missa af Helstu tíðindum dagsins í pósthólfið þitt

Lesa nánar

Dagur B. Eggertsson, borgarstjóri, mælti fyrir fjárhagsáætlun Reykjavíkurborgar fyrir næsta ár í gær. Fram kom að borgin hyggist ráðast í fjárfestingar upp á 175 milljarða á næstu þremur árum, meðal annars í íbúðauppbyggingar og byggingu íþróttamannvirkja. Gert er ráð fyrir að hallarekstur A-hluta borgarsjóðs verði 11,3 milljarðar á næsta ári.

Morgunblaðið skýrir frá þessu í dag. Fram kemur að Dagur hafi sagt að stórauknar fjárfestingar borgarinnar skeri sig úr í samanburði við áform nágrannasveitarfélaganna. Eyþór Arnalds, oddviti Sjálfstæðisflokksins, gagnrýndi skuldasöfnun borgarinnar í góðærinu og sagði að hún gerði verkefni mun erfiðara en annars.

Í fjárhagsáætluninni er gert ráð fyrir 11,3 milljarða halla á rekstri A-hluta borgarinnar. Rekstrartekjurnar verða 134 milljarðar, sem er 8 milljörðum hærra en í spá sem var gerð á þessu ári, og útgjöldin hækka um 10 milljarða og verða rúmlega 137 milljarðar. Reiknað er með að rekstrarniðurstaða samstæðu borgarinnar verði neikvæð um 2,7 milljarða.

Reiknað er með að ný langtímalán upp á 51,8 milljarða verði tekin á næsta ári og að langtímaskuldir samstæðunnar verði 304 milljarðar og hækki um 35 milljarða á milli ára.

Fram kemur í áætluninni að heimsfaraldur kórónuveirunnar hafi mikil áhrif á hana en Dagur B. Eggertsson sagði að mikilvægt sé að borgin pakki ekki í vörn núna heldur blási til sóknar og fari í umfangsmiklar fjárfestingar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

EyjanFastir pennar
Fyrir 5 dögum

Svarthöfði skrifar: Barnaskapur á Alþingi

Svarthöfði skrifar: Barnaskapur á Alþingi
Eyjan
Fyrir 5 dögum

Framsóknarmenn sárir og svekktir á Alþingi – „Vera ekki að hreykja sér af verkum annarra“

Framsóknarmenn sárir og svekktir á Alþingi – „Vera ekki að hreykja sér af verkum annarra“
Eyjan
Fyrir 1 viku

Kristrún lét stjórnarandstöðuna heyra það í óundirbúnum fyrirspurnartíma – „Ég ætla bara að biðja fólk að gæta orða sinna“

Kristrún lét stjórnarandstöðuna heyra það í óundirbúnum fyrirspurnartíma – „Ég ætla bara að biðja fólk að gæta orða sinna“
Eyjan
Fyrir 1 viku

Heiða Björg borgarstjóri: Markaðurinn þarf ramma – mann langar að hafa eitthvað fallegt að horfa á

Heiða Björg borgarstjóri: Markaðurinn þarf ramma – mann langar að hafa eitthvað fallegt að horfa á