fbpx
Miðvikudagur 02.apríl 2025
Eyjan

Miklir fjárhagserfiðleikar hjá mörgum sveitarfélögum

Kristján Kristjánsson
Miðvikudaginn 23. september 2020 08:00

Slysið átti sér stað í austurbæ Reykjavíkur í gær.

Ekki missa af Helstu tíðindum dagsins í pósthólfið þitt

Lesa nánar

Mörg sveitarfélög eiga í fjárhagserfiðleikum vegna heimsfaraldurs kórónuveirunnar sem hefur kúvent fjármálum þeirra og gert áætlanir að marklausum plöggum. Hjá fjórum stærstu sveitarfélögunum er viðsnúningurinn á fyrri hluta ársins tæpir sex milljarðar.

Í árshlutauppgjörum Reykjavíkur, Kópavogs, Hafnarfjarðar og Akureyrar kemur fram að á fyrstu sex mánuðum ársins hafi halli á rekstri þeirra verið 3,6 milljarðar en á sama tíma í fyrra var rekstrarafgangur upp á 2,3 milljarða hjá þeim. Þetta er viðsnúningur upp á 5,9 milljarða.  Fréttablaðið skýrir frá þessu í dag.

Tekjur sveitarfélaganna hafa lækkað um 3,9% en útgjöld aukist um 4,6%. Um 60% þjóðarinnar býr í þessum fjórum sveitarfélögum. Ekki liggja fyrir tölur um stöðu annarra sveitarfélaga en haft er eftir Sigurði Snævarr, hagfræðingi Sambands íslenskra sveitarfélaga, að staðan hljóti að vera svipuð eða verri hjá mörgum smærri sveitarfélögum sem byggi afkomu sína að stórum hluta á ferðaþjónustu. Þar á meðal eru mörg sveitarfélög á Suðurlandi og einnig á Suðurnesjum þar sem flugsamgöngur um Keflavíkurflugvöll skipta miklu máli. Hann sagði að ástandið væri skárra annars staðar.

„Við erum rétt að sjá toppinn á ísjakanum núna. Seinni hluti ársins verður mun verri,“

er haft eftir honum. Hann sagði jafnframt fjárhagsáætlanir sveitarfélaganna fyrir 2020 vera ónýtt plögg. Þau hafi þurft að bregðast við með viðaukum við þær. Fjárhagsáætlanir sveitarfélaga séu ekki lausleg viðmið heldur gildi strangar reglur um þær og beri sveitarfélögunum að fara eftir þeim.

„Mörg sveitarfélög munu eiga í miklum erfiðleikum með að gera fjárhagsáætlun í haust,“

sagði hann og bætti við að ólíklegt sé að þær muni standast.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

EyjanFastir pennar
Fyrir 5 dögum

Svarthöfði skrifar: Barnaskapur á Alþingi

Svarthöfði skrifar: Barnaskapur á Alþingi
Eyjan
Fyrir 5 dögum

Framsóknarmenn sárir og svekktir á Alþingi – „Vera ekki að hreykja sér af verkum annarra“

Framsóknarmenn sárir og svekktir á Alþingi – „Vera ekki að hreykja sér af verkum annarra“
Eyjan
Fyrir 1 viku

Kristrún lét stjórnarandstöðuna heyra það í óundirbúnum fyrirspurnartíma – „Ég ætla bara að biðja fólk að gæta orða sinna“

Kristrún lét stjórnarandstöðuna heyra það í óundirbúnum fyrirspurnartíma – „Ég ætla bara að biðja fólk að gæta orða sinna“
Eyjan
Fyrir 1 viku

Heiða Björg borgarstjóri: Markaðurinn þarf ramma – mann langar að hafa eitthvað fallegt að horfa á

Heiða Björg borgarstjóri: Markaðurinn þarf ramma – mann langar að hafa eitthvað fallegt að horfa á