Í dag rennur út fresturinn sem Icelandair gaf sér til að ná samkomulagi við leigusala sína, Boeing og færsluhirði. Samkvæmt tilkynningu Icelandair til Kauphallar Íslands verður áfram reynt að ná samkomulagi við hagaðila í júlímánuði og hefur hlutafjárútboði sem fram átti að fara í júlí, verið frestað til ágústmánaðar. Kjarninn greinir frá.

Í tilkynningunni segir einnig að ef samningsviðræðurnar skili ekki árangri þurfi félagið að fara aðrar leiðir og vera án ríkisábyrgðar á nýju lánsfé, sem gæti tekið allt að einu ári og þyrfti félagið því að óska eftir greiðslustöðvun.

Sagt er að fjárhagsleg endurskipulagning Icelandair, sem byggi á gagnkvæmum samningum við kröfuhafa, sé besta leiðin fyrir félagið til að tryggja hagsmuni allra aðila.

Handbært fé Icelandair Group telur um 21 milljarð króna, eða um 150 milljónir Bandaríkjadala, sem sagt er umfram þriggja mánaða rekstrarkostnað í núverandi aðstæðum.