Minnst 30 veitingastaðir hafa lokað alfarið, tímabundið, eða part úr viku á síðustu misserum vegna gjaldþrota og /eða óvissu vegna áhrifa kórónuveirufaraldursins. Þetta er niðurstaða lauslegrar samantekrar Jakobs Einars Jakobssonar, stjórnarmanns í Samtökum ferðaþjónustunnar og veitingamanns á Jómfrúnni. Greint er frá þessu í ViðskiptaMogganum í dag.
Að sögn Jakobs lengdist listinn til muna í þessum mánuði, en fyrr í júní náði samantekt til 18 veitingastaða.
„Veitingarekstur er í raun ósjálfbær sem sakir standa. Sum tómu rýmanna eru þó að fyllast á ný, og nýir rekstraraðilar komnir þar að. Bjartsýni er að aukast á ný.“
segir Jakob við ViðskiptaMoggann og bætir við að birgjar séu farnir að hugsa sinn gang og íhugi að hætta að þjónustu við miðbæinn og póstnúmerið 101, þar sem samlegðaráhrif náist ekki lengur.
Margir af þekktustu veitingastöðum landsins eru á listanum sem lagt hafa upp laupana á síðustu misserum, eins og Lækjarbrekka, Grillið, Hressó, Skólabrú og Café París.
Veitingastaðirnir 30 sem Jakob týndi til og birtast í ViðskiptaMogganum, eru eftirfarandi:
1. Lækjarbrekka, Bankastræti 2
2. Jamie Oliver, Pósthússtræti 11
3. Karolina, Pósthússtræti 9
4. Marina á Icelandair hótel, Mýrargötu 14-16
5. Geiri Smart á Icelandair hótel, Hverfisgötu 30
6. Icelandic Streetfood (Alls þrír staðir, einhverjir hafa opnað aftur), Lækjargötu 8
7. Icelandic deli, Lækjargötu 4
8. Hressó, Austurstræti 20
9. Burro, Veltusundi 1
10. Pablo, Veltusundi 1
11. Bergsson, Templarasundi 3
12. Messinn (Lækjargata og Grandi), Grandagarði 8
13. Bryggjan brugghús (Barion opnað á sama stað), Grandagarði 8
14. Café Paris (Duck and Rose opnað á sama stað), Austurstræti 14
15. Fiskmarkaðurinn, Aðalstræti 12 – opnar í ágúst
16. Sæmundur í spari á Kex hostel, Skúlagötu 28
17. Skólabrú, Pósthússtræti 17
18. Gandhi (Er að flytja á annan stað), Pósthússtræti 17
19. Downtown Café, Laugavegi 51
20. Kaffihúsið í Máli og menningu, Laugavegi 18
21. Harry’s (opna í dag að nýju), Laugavegi 84
22. Old Iceland, Laugavegi 72
23. Geysir Bistro Laugavegi, Laugavegi 96
24. Osteria Emiliana Lasagna, Hlemmi mathöll
25. Eldsmiðjan Laugavegi, Laugavegi 81
26. Gummi Ben, Tryggvagötu 22
27. Grillið, Hagatorgi 1
28. Fish and Chips, Tryggvagötu 11
29. Dill – Aðeins opið einn dag í viku, Laugavegi 59
30. Hard Rock – einungis opið á kvöldin, Lækjargötu 2a
