Sýslumaður höfuðborgarsvæðisins mun þurfa að skipa þriggja manna nefnd sem tekur afstöðu til kæruefnis Vigdísar Hauksdóttur, oddvita Miðflokksins í Reykjavík, vegna aðdragandans að sveitarstjórnarkosningunum 2018, er lítur að smáskilaboðum frá borginni til innflytjenda, eldri borgara og ungs fólks, sem hvatt var til að kjósa. Er þetta úrskurður dómsmálaráðuneytisins og greinir Vigdís Hauksdóttir frá þessu sjálf á Facebooksíðu sinni í gærkvöldi:

„BREAKING NEWS !!! Dómsmálaráðuneytið hefur úrskurðað að sýslumaður höfuðborgarsvæðisins skipi þriggja manna nefnd til að taka afstöðu til kæruefnis míns um gildi borgarstjórnarkosninganna í Reykjavík. Jafnframt felldi ráðuneytið úr gildi ákvörðun sýslumanns að vísa kæru minni frá. Ábyrgðarbréf þessa efnis beið mín er ég kom heim af borgarstjórnarfundi undir miðnætti.“

Persónuvernd hafði komist að því að Reykjavíkurborg, Þjóðskrá, og tveir starfsmenn Háskóla Íslands hefðu ekki farið eftir ákvæðum þágildandi persónuverndarlaga og ákvað Vigdís að kæra. Kæru Vigdísar var vísað frá í fyrstu, þar sem kærufrestur var liðinn, en Vigdís hélt því fram að nýr kærufrestur hefði hafist daginn eftir úrskurð Persónuverndar.

Sjá einnig: Reykjavíkurborg framdi lögbrot þegar hún sendi ungum kjósendum sms