Alls 30,9 prósent rekstraraðila í miðborg Reykjavíkur telja frekar, eða mjög ólíklegt að fyrirtæki þeirra haldi áfram rekstri í miðborginni að tveimur árum liðnum. Þetta er meðal niðurstaða netkönnunar Zenter sem gerð var meðal rekstraraðila í miðborg Reykjavíkur dagana 9. maí til 7. júní.
Þeir sem töldu mjög líklegt að rekstur þeirri héldi áfram að tveimur árum liðnum mældust alls 41.2 %, og 11 prósent sögðu líklegt að svo yrði.
Frekar ólíklegt sögðu 11.5% og mjög ólíklegt sögðu 19.4 %. Alls 6.8% sögðust ekki vita svarið og 4.2 % vildu ekki svara.
Alls merktu 5.8% við valmöguleikann „Hvorki né“.
Alls 60.7 prósent aðspurðra sögðust frekar, eða mjög andvígir því að göngugötur séu í miðborg Reykjavíkur allt árið, sem kalli á lokun fyrir bílaumferð.
Þeir sem voru mjög hlynntir göngugötum allt árið voru 18.3 %, frekar hlynntir voru 11% en þeir sem sögðust enga afstöðu hafa (hvorki né) voru 7.9%.
Frekar andvígir voru 11%, mjög andvígir voru 49.7%, óákveðnir og þeir sem vildu ekki svara voru tvö prósent.
Helstu ástæður sem gefnar eru upp fyrir andstöðunni eru veðrið (54.2%), það fækki Íslendingum í miðbænum (30.2%), og skerði aðgengi(22.9%) vegna færri bílastæða (22.9%), sem helst í hendur við hvað aðspurðir telji að þurfi helst að bæta til að gera upplifun viðskiptavina og rekstraraðila sem besta af göngugötunum. Þar nefna 33.6% aðspurðra fleiri bílastæði og 18.5% nefna bætt aðgengi.
Athygli vekur að rúmlega 15 prósent aðspurðra nefna að bæta þurfi veðrið til að gera upplifun viðskiptavina og rekstraraðila betri af göngugötum, en ekki er víst að hægt sé að gera mikið til að breyta því.
Könnunin var send á 383 rekstraraðila, svarendur voru 191 og svarhlutfallið því 49 prósent.
