fbpx
Fimmtudagur 03.apríl 2025
Eyjan

Björn Bjarnason svarar Sólveigu Önnu: „Já, þetta er „ótrúlega klikkað“

Ritstjórn Eyjunnar
Miðvikudaginn 20. mars 2019 16:30

Ekki missa af Helstu tíðindum dagsins í pósthólfið þitt

Lesa nánar

Sólveig Anna Jónsdóttir, formaður Eflingar, sagði í stöðuuppfærslu á Facebook í gær að Björn Bjarnason, fyrrverandi ráðherra Sjálfstæðisflokksins, hefði þjófkennt hana og sagt að hún væri „gerð út“ af karlmönnum. Vísaði hún til þessa er hún rifjaði upp hvað hún hefði mátt þola eftir að hún var kosin formaður Eflingar:

„Fyrir það að dirfast að vinna í kosningum um forystu í verkalýðsfélagi því sem ég hef árum saman tilheyrt og fyrir að dirfast að vilja berjast fyrir hagsmunum verka og láglaunafólks hef ég verið ötuð aur af ógeðslegu fólki. Ég hef verið kölluð peð, strengjabrúða, stalínisti, trumpisti. Ég hef þurft að þola að því sé haldið fram að ég „ásælist“ sjóði Eflingar til að nota í annarlegum tilgangi. Björn Bjarnason, fyrrum dómsmálaráðherra, hefur ásamt því að þjófkenna mig og segja að ég sé ekki í tengslum við raunveruleikann, einnig sagt að ég sé „gerð út“ af karlmönnum. Og svo mætti lengi upp telja. Pæliði í því hvað þetta er ótrúlega klikkað.“

Ekki öfundsverðir viðsemjendur

Þessu svarar Björn í dag:

„Já, þetta er „ótrúlega klikkað“ hjá Sólveigu Önnu enda enginn fótur fyrir því. Þeir eru ekki öfundsverðir sem eiga að semja við hana svo að ekki sé minnst á þá sem hafa treyst henni fyrir kjörum sínum.“

Björn lætur ekki þar við sitja, heldur rifjar upp feril Sólveigar sem aðgerðarsinna:

„Að fólk sé handtekið vegna framgöngu við eða inni í þinghúsinu er ekkert einsdæmi. Það gerðist til dæmis 8. desember árið 2008 þegar hópur fólks ruddist upp á þingpalla. Níu úr hópnum sættu ákæru, þeirra á meðal var Sólveig Anna Jónsdóttir, núverandi formaður Eflingar-stéttarfélags, sem var dæmd í 100.000 kr. sekt 16. febrúar 2011. Fyrir rétti sagði Sólveig Anna að lögreglan hefði snúið upp á hendur sér. Síðar varð Sólveig Anna formaður í deild Attac-samtakanna á Íslandi, alþjóðlegra samtaka sem stofnuð voru að hennar sögn í Austur-Asíu árið 1997 til að berjast gegn einkavæðingu, markaðsvæðingu og hnattvæðingu á forsendum stórfyrirtækja. Af ræðum Sólveigar Önnu má ráða að ávallt séu einhverjir að hrella hana og nú er ég meira að segja kominn í þann hóp.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 3 dögum

Trump fagnaði og sagði að áætlun hans væri að ganga upp – Setja Kínverjar honum stólinn fyrir dyrnar?

Trump fagnaði og sagði að áætlun hans væri að ganga upp – Setja Kínverjar honum stólinn fyrir dyrnar?
Eyjan
Fyrir 3 dögum

Orðið á götunni: Þú kaupir af Guðbjörgu í hverri viku – umframhagnaður sægreifa fer í að kaupa upp atvinnulífið

Orðið á götunni: Þú kaupir af Guðbjörgu í hverri viku – umframhagnaður sægreifa fer í að kaupa upp atvinnulífið
Eyjan
Fyrir 4 dögum

Spyr hvort RÚV reki fréttastofu eða stundi skipulagt einelti

Spyr hvort RÚV reki fréttastofu eða stundi skipulagt einelti
EyjanFastir pennar
Fyrir 5 dögum

Sigmundur Ernir skrifar: Við erum húskarlar sem þiggja löggjöf sína eins og hverja aðra ölmusu

Sigmundur Ernir skrifar: Við erum húskarlar sem þiggja löggjöf sína eins og hverja aðra ölmusu
Eyjan
Fyrir 1 viku

Framsóknarmenn sárir og svekktir á Alþingi – „Vera ekki að hreykja sér af verkum annarra“

Framsóknarmenn sárir og svekktir á Alþingi – „Vera ekki að hreykja sér af verkum annarra“
EyjanFastir pennar
Fyrir 1 viku

Þorsteinn Pálsson skrifar: Boðflennur, fullveldi og fjölþjóðasamvinna

Þorsteinn Pálsson skrifar: Boðflennur, fullveldi og fjölþjóðasamvinna