fbpx
Fimmtudagur 03.apríl 2025
Eyjan

Segja Báru hafa dulbúið sig sem erlendan ferðamann – Var í svartri úlpu og gallabuxum

Ritstjórn Eyjunnar
Þriðjudaginn 5. febrúar 2019 10:43

Ekki missa af Helstu tíðindum dagsins í pósthólfið þitt

Lesa nánar

Klaustursþingmenn Miðflokksins halda því fram að Bára Halldórsdóttir, sem tók upp samtal sex þingmanna á Klaustri Bar, hafi vísvitandi dulbúið sig sem erlendan ferðamann áður en hún tók upp samtal þeirra og það gefi til kynna að um ásetning hafi verið að ræða hjá henni.

Þetta kemur fram í bréfi frá lögfræðingi Miðflokksþingmannanna fjögurra, Reimars Péturssonar, til Persónuverndar. Stundin greinir frá.

„Til að forðast athygli umbjóðenda minna virðist gagnaðili hafa tekið sér gervi erlends ferðamanns. Hún hafi gert sér far um að haga sér sem slíkur. Þannig hefur gagnaðila sagst hafa haft „bæklinga um innanlandsferðir og vinsæla ferðamannastaði“ meðferðis þegar hún mætti á Klaustur. Hún „þóttist“ lesa þá til að viðhalda leynd um aðgerðir sínar.“

segir í bréfinu.

Þingmennirnir fjórir eru Sigmundur Davíð Gunnlaugsson, Gunnar Bragi Sveinsson, Anna Kolbrún Árnadóttir og Bergþór Ólason.

Í gallabuxum og úlpu

Eyjan spurði Báru hvort hún myndi eftir því hvernig hún klæddist umrætt kvöld á Klaustri bar. Sagðist hún gera það nokkurnveginn:

„Svörtu úlpunni minni, gallabuxum og bol eða skokk/kjól og gammosíum örugglega. Það er svona minn stíll oftast,“

sagði Bára.

Eyjan hefur heimildir fyrir því að erlendir ferðamenn hafi einnig klæðst sambærilegum klæðnaði í ferðum sínum hérlendis einhverntíma á síðustu árum.

Hinsvegar hefur Eyjan einnig heimildir fyrir því, að Íslendingar hafi klæðst slíkum fötum nýverið, á ferðum sínum um miðbæinn.

Býst við málssókn

Bára tjáir sig um þetta útspil Miðflokksfjórmenninganna, á Facebook:

„Næsta fjör. Þeir tala líka mikið um að þeir þurfi þessi gögn til að undirbúa málssókn og að þeir ætli ekki að setja ábyrgð á fjölmiðla. Ég býst því sterklega við málssókn.“

Einnig er farið fram á í bréfinu að Bára verði sektuð fyrir athæfi sitt og að Persónuvernd afli myndefnis sem sýni allar mannaferðir umrætt kvöld á Klaustur barinn.

„Umbjóðendur mínir telja sig þurfa að fá aðgang að þessu myndefni, ekki bara vegna dómsmáls sem þeir íhuga að höfða, heldur einnig og ekki síður vegna meðferðar máls þessa hjá Persónuvernd.“

„Álagning stjórnvaldssekta er liður í virkri réttarvernd fyrir ólögmætum inngripum í friðhelgi einkalífs. Má því ætla að Persónuvernd sé skylt að leggja þær á nema álagning þeirra teldist „ótvírætt brot“ á rétti til tjáningarfrelsis skv. stjórnarskrá,“

segir Reimar í bréfinu.

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 3 dögum

Trump fagnaði og sagði að áætlun hans væri að ganga upp – Setja Kínverjar honum stólinn fyrir dyrnar?

Trump fagnaði og sagði að áætlun hans væri að ganga upp – Setja Kínverjar honum stólinn fyrir dyrnar?
Eyjan
Fyrir 3 dögum

Orðið á götunni: Þú kaupir af Guðbjörgu í hverri viku – umframhagnaður sægreifa fer í að kaupa upp atvinnulífið

Orðið á götunni: Þú kaupir af Guðbjörgu í hverri viku – umframhagnaður sægreifa fer í að kaupa upp atvinnulífið
Eyjan
Fyrir 4 dögum

Spyr hvort RÚV reki fréttastofu eða stundi skipulagt einelti

Spyr hvort RÚV reki fréttastofu eða stundi skipulagt einelti
EyjanFastir pennar
Fyrir 5 dögum

Sigmundur Ernir skrifar: Við erum húskarlar sem þiggja löggjöf sína eins og hverja aðra ölmusu

Sigmundur Ernir skrifar: Við erum húskarlar sem þiggja löggjöf sína eins og hverja aðra ölmusu
Eyjan
Fyrir 1 viku

Framsóknarmenn sárir og svekktir á Alþingi – „Vera ekki að hreykja sér af verkum annarra“

Framsóknarmenn sárir og svekktir á Alþingi – „Vera ekki að hreykja sér af verkum annarra“
EyjanFastir pennar
Fyrir 1 viku

Þorsteinn Pálsson skrifar: Boðflennur, fullveldi og fjölþjóðasamvinna

Þorsteinn Pálsson skrifar: Boðflennur, fullveldi og fjölþjóðasamvinna