fbpx
Föstudagur 04.apríl 2025
Eyjan

Vestfirðingar brjálaðir– „Verið er að skattleggja einu leiðina til samvinnu“

Ritstjórn Eyjunnar
Þriðjudaginn 22. október 2019 18:00

Ekki missa af Helstu tíðindum dagsins í pósthólfið þitt

Lesa nánar

„Þetta hljómar afar undarlega í okkar augum. Við eigum í sjálfu sér eftir að sjá útfærsluna, en þetta er náttúrulega bara skattur á Bolvíkinga umfram aðra landsmenn. Ef ríkið vill bjóða skipti á þessum skatti og þessum rúmlega 300 m.kr. sem fara frá Bolungarvík í formi veiðigjalda þá erum við tilbúinn í viðræður,“

segir Jón Páll Hreinsson, bæjarstjóri Bolungarvíkur í samtali við Eyjuna, vegna fyrirhugaðra áforma ríkisstjórnarinnar um að rukka veggjöld við samgöngumannvirki/jarðgöng á landsbyggðinni.

Eini vegurinn til Bolungarvíkur liggur í gegnum Bolungarvíkurgöng sem aukið hefur samgöngur milli Ísafjarðar og Bolungarvíkur umtalsvert frá opnun þeirra árið 2010, en þau eru næst-fjölförnustu göng Íslands á eftir Hvalfjarðargöngum.

Um 822 bílar fara að jafnaði um Bolungarvíkurgöngin á hverjum sólarhring samkvæmt tölum frá 2018, sem er um tvöfalt meiri umferð en í Norðfjarðargöngum, sem tengir Eskifjörð og Norðfjörð á Austfjörðum. Þá má nefna að kostnaðurinn við göngin var undir áætlun.

Þvinguð sameining skattlögð í þokkabót

Jón segir þessar tillögur hleypa illu blóði í heimamenn sem hafa enga aðra leið til að sækja sér þjónustu utan bæjarins, ekki síst þegar samgönguráðherra tali fyrir þvingaðri sameiningu sveitarfélaga:

„Bolvíkingar hafa enga aðra leið til að nálgast margvíslega þjónustu sem ríkið býður uppá nema að fara í gegnum göngin. Hér er ekki spítali, hér er ekki sýslumaður, enginn banki er með þjónustufulltrúa í Bolungarvík, fólk sækir verslun, afþreyingu o.s.frv. í gegnum göngin. Það er erfitt að skilja möntruna um aukna samvinnu og þvingaða sameiningu á sama tíma og verið er að skattleggja einu leiðina til samvinnu sem við höfum,“

segir Jón Páll við Eyjuna, en búast má við bókun um málið á fundi bæjarráðs sem haldinn er í dag.

Bæjarráð Ísafjarðar hefur einnig gagnrýnt þessi áform og kallar eftir nánari útlistun á áformunum um veggjöld í jarðgöngum:

„Bæjarráð telur ekki boðlegt að íbúar þurfi að greiða veggjöld þegar aðeins er ein leið í boði milli byggðakjarna.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 4 dögum

Gefur lítið fyrir orðljóta gagnrýni minnihlutans í tengslum við lækkun launa kjörinna fulltrúa – „Útúrsnúningur og pólitískt leikrit af þeirra hálfu“

Gefur lítið fyrir orðljóta gagnrýni minnihlutans í tengslum við lækkun launa kjörinna fulltrúa – „Útúrsnúningur og pólitískt leikrit af þeirra hálfu“
Eyjan
Fyrir 4 dögum

Haraldur Ólafsson skrifar: Innlimun í Evrópusambandið dregur úr öryggi landsmanna

Haraldur Ólafsson skrifar: Innlimun í Evrópusambandið dregur úr öryggi landsmanna
EyjanFastir pennar
Fyrir 6 dögum

Steinunn Ólína skrifar: Þjóðarátak í ofbeldi

Steinunn Ólína skrifar: Þjóðarátak í ofbeldi
Eyjan
Fyrir 1 viku

„Við höfum ekki áhuga á útlendingamálum eða að leysa vandamálin á Íslandi“

„Við höfum ekki áhuga á útlendingamálum eða að leysa vandamálin á Íslandi“
EyjanFastir pennar
Fyrir 1 viku

Svarthöfði skrifar: Skilningslaus ríkisstjórn – hver á núna að halda uppi húsnæðisverði á Íslandi?

Svarthöfði skrifar: Skilningslaus ríkisstjórn – hver á núna að halda uppi húsnæðisverði á Íslandi?
Eyjan
Fyrir 1 viku

„Undarlegt að fólk gagnrýni þá skoðun sem einhvers konar „menntasnobb““

„Undarlegt að fólk gagnrýni þá skoðun sem einhvers konar „menntasnobb““