Dagur B. Eggertsson borgarstjóri var hvass í máli þegar hann ræddi um tillögu Vigdísar Hauksdóttur, borgarfulltrúa Miðflokksins, og Kolbrúnar Baldursdóttur, borgarfulltrúa Flokks fólksins, um að vísa Braggamálinu til héraðssaksóknara eða annara yfirvalda. Upprunalega var tillagan aðeins að vísa málinu til héraðssaksóknara, en henni var breytt til að það yrði embætti borgarlögmanns að vísa skýrslu innri endurskoðunar Reykjavíkur um Braggamálið til „þar til bærra yfirvalda til yfirferðar og rannsóknar“. Þar að auki verði borgarlögmanni falið að senda áfram niðurstöður um tölvupósta Dags borgarstjóra og Hrólfs Jónssonar, fyrrverandi skrifstofustjóra Skrifstofu eigna og atvinnuþróunar.

Fulltrúar minnihlutans í borgarstjórn hafa saumað að Degi borgarstjóra í kjölfar svartrar skýrslu innri endurskoðunar. Hefur Vigdís sagt að borgarstjóri ætti að segja af sér vegna málsins. Tillaga Vigdísar og Kolbrúnar hefur valdið nokkru fjaðrafoki, hafa bæði Ingibjörg Sólrún Gísladóttir, fyrrverandi borgarstjóri, og Kolbrún Bergþórsdóttir, menningarritstjóri Fréttablaðsins, hafa komið Degi til varnar og sagt það pólitískan leik.

Dagur segir tillöguna makalausa í færslu á Facebook:

Dagur var mjög hvass þegar hann ræddi tillöguna á fundi áðan, hér má sjá myndband af því þegar hann nánast hellir sér yfir Vigdísi:

Dagur B. Eggertsson um Braggamálið from DV Sjónvarp on Vimeo.