fbpx
Föstudagur 25.apríl 2025
Eyjan

Sólveig Anna segir blaðamann slá met í firringu: „Þetta er náttúrlega eitthvað klikkað“

Ritstjórn Eyjunnar
Föstudaginn 23. ágúst 2019 13:45

Sólveig Anna Jónsdóttir

Ekki missa af Helstu tíðindum dagsins í pósthólfið þitt

Lesa nánar

Blaðamaður Fréttablaðsins, Ari Brynjólfsson, segir í Fréttablaðinu í dag að Dóra Björt Guðjónsdóttir, formaður mannréttindaráðs Reykjavíkurborgar hafi hætt sér út á hálan ís með því að boða lögregluna á fund til sín vegna handtöku á konu í Gleðigöngunni um daginn fyrir meint mótmæli, en konan sagðist ekkert hafa til saka unnið.

Ari segir að þar sem lögreglan megi ekki tjá sig um einstök mál, sé það hæpið af Dóru Björt að nota stöðu sína til að velta upp spurningum um starfshætti lögreglu, þar sem aðeins önnur hlið málsins hafi komið fram.

„Er það í besta falli óábyrgt og í versta falli rakinn popúlismi að setja lögregluna í klemmu til að skora pólitísk stig,“

segir Ari.

Firrtur einfeldningur

Sólveig Anna Jónsdóttir, formaður Eflingar, hefur miklar skoðanir á þessum orðum Ara og segir þau í besta falli barnaskap:

„Í það minnsta smávegis, mögulega stórvegis, met slegið í firringu blaðamanns,“ segir Sólveig og bætir við: „Þetta er náttúrlega eitthvað klikkað. Ef að stjórnmálafólk má aldrei tjá sig um mál þar sem aðeins ein hlið mála hefur verið rædd er þá ekki verið að múlbinda stjórnmálafólk ansi rækilega? Ef að lögreglan getur ekki tjáð sig um einstök mál er það þá í alvöru að mati blaðamannsins ástæða til þess að aðrir, og þá sérstaklega stjórnmálafólk, og þá sérstaklega stjórnmálafólk sem er í forsvari fyrir mannréttindamál megi ekki tjá sig um málin heldur? Ekki tjá skoðun, ekki lýsa áhyggjum, velta vöngum, eða sýna samstöðu með þeim sem mögulega eiga meira á hættu en aðrir að lögreglan hafi af þeim afskipti? Eins og t.d fólki sem er þekkt fyrir aktívisma með flóttafólki?“

Sólveig bætir við að skoðun Ara sé einfeldningsleg, um að stjórnmálamenn eigi ekki tjá sig um störf lögreglu þegar aðeins ein hlið málsins sé komin fram:

„Það er í besta falli barnaskapur og í versta falli eitthvað miklu alvarlegra að halda þessu fram. Ari heldur því í raun fram að þar sem lögreglan geti ekki tjáð sig um einstök mál og stjórnmálafólk megi bara tjá sig um mál þar sem báðar hliðar hafi komið fram þá megi stjórnmálafólk ekki tjá sig um störf lögreglunnar. Að telja það popúlisma sem komi lögreglunni „í klemmu“ að hafa skoðun á framferði hennar er já, hvað skal segja? Í það allra minnsta ótrúleg einfeldni, í það allra minnsta.“

Hefði mátt bíða með viðtöl

Aðspurður um hvað honum þætti um afstöðu Sólveigar Önnu, sagði Ari við Eyjuna:

„Stjórnmálamenn mega endilega hafa skoðanir á sem flestu. Ég tel hins vegar að formaður mannréttindaráðs hefði mátt bíða með að mæta í viðtöl þangað til eftir fundinn með lögreglu þar sem lögreglan er ekki í aðstöðu til að gera slíkt hið sama.“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

EyjanFastir pennar
Fyrir 5 dögum

Sigmundur Ernir skrifar: Mesta lýðræðisógn okkar tíma

Sigmundur Ernir skrifar: Mesta lýðræðisógn okkar tíma
Eyjan
Fyrir 5 dögum

Hanna Katrín: Veiðigjöld eiga ekki að byggja á innanhússverði hjá fiskvinnslu og veiðum sem eru undir sama hatti

Hanna Katrín: Veiðigjöld eiga ekki að byggja á innanhússverði hjá fiskvinnslu og veiðum sem eru undir sama hatti
EyjanFastir pennar
Fyrir 1 viku

Þorsteinn Pálsson skrifar: Raunheimar forstjóra og ráðherra

Þorsteinn Pálsson skrifar: Raunheimar forstjóra og ráðherra
Eyjan
Fyrir 1 viku

Guðmundur Ingi Kristinsson: Embættismennirnir leggjast á árar með okkur

Guðmundur Ingi Kristinsson: Embættismennirnir leggjast á árar með okkur
Eyjan
Fyrir 1 viku

Guðmundur Ingi Kristinsson: Fullkomin samheldni og skýr sýn á verkefnin – ekki veikan hlekk að finna í ríkisstjórninni

Guðmundur Ingi Kristinsson: Fullkomin samheldni og skýr sýn á verkefnin – ekki veikan hlekk að finna í ríkisstjórninni
Eyjan
Fyrir 1 viku

Ole Anton Bieltvedt skrifar: Blaut tuska ríkisstjórnarinnar í andlit meirihluta þjóðarinnar – Ber Inga Sæland ábyrgð?

Ole Anton Bieltvedt skrifar: Blaut tuska ríkisstjórnarinnar í andlit meirihluta þjóðarinnar – Ber Inga Sæland ábyrgð?
Eyjan
Fyrir 1 viku

Risakauphækkun hjá Ásgeiri Jónssyni á síðasta ári – Fékk launaleiðréttingu og orlofsuppgjör ofan á kauphækkun

Risakauphækkun hjá Ásgeiri Jónssyni á síðasta ári – Fékk launaleiðréttingu og orlofsuppgjör ofan á kauphækkun
EyjanFastir pennar
Fyrir 1 viku

Steinunn Ólína skrifar: Kynslóðir í kreppu

Steinunn Ólína skrifar: Kynslóðir í kreppu