fbpx
Fimmtudagur 24.apríl 2025
Eyjan

Sjálfstæðismaður segir Klausturdóna hafa drukkið Hitler snaps – „Fólkið, ríkið, foringinn snaps von führer“

Ritstjórn Eyjunnar
Þriðjudaginn 11. júní 2019 12:00

Ekki missa af Helstu tíðindum dagsins í pósthólfið þitt

Lesa nánar

Ólafur Hafsteinn Jónsson, formaður fulltrúarráðs Sjálfstæðisflokksins í Árborg, birtir mynd af vínflösku á Facebook í gærkvöldi, sem skartar mynd af sjálfum Adolf Hitler heilsa að sið nasista. Virðist sem Ólafur hafi ætlað að gæða sér á snapsinum sjálfur, því með fylgir lítið staup.

Á flöskunni er áletrunin „Ein volk, ein reich, ein führer“, en það voru einkunnarorð þýska nasistaflokksins á sínum tíma. Er Ólafur staddur á Ítalíu, en Ítalía studdi Hitler í stjórnartíð Mussolini, sem einnig var fasisti.

Slíkar flöskur fást ekki í Vínbúðum ÁTVR eftir því sem Eyjan kemst næst, en svo virðist sem að vín með myndum af Hitler og Mussolini séu seld víða á Ítalíu.

Fólkið, ríkið, foringinn

Telur Ólafur líklegt að þingmenn Miðflokksins og þáverandi þingmenn Flokks fólksins, sem síðar fóru yfir í Miðflokkinn, hafi drukkið þennan snaps kvöldið örlagaríka sem Bára Halldórsdóttir tók upp samtal þeirra á Klausturbarnum og heimfærir einkunnarorð þýska nasistaflokksins yfir á Miðflokkinn, en Ólafur ritar við færsluna:

„Ég hef komist að því eftir mikla rannsóknarvinnu hér á Ítalíu að þetta er snapsinn sem Klaustursmenn drukku kvöldið fræga á Klausturbarnum áletrunin, fólkið, ríkið, foringinn snaps von führer.“

Ekki í fyrsta skipti

Þetta er ekki í fyrsta skipti sem þriðja ríkið er nefnt í sömu andrá og Miðflokkurinn, því Eiríkur Rafn Jónsson, aðstoðarmaður þingflokks Pírata, sagði í apríl að Miðflokkurinn notaðist við sömu aðferðarfræði og nasistar, í umræðunni um þriðja orkupakkann:

„Hættum að taka þátt í þjóðernispopúlistahræðsluáróðri Miðflokksins og tökum umræðu á staðreyndum. Að magna upp hræðsluna við eitthvað óskilgreint, flókið og útlenskt er sama taktík og nasistar notuðu við að útrýma gyðingum, sósíalistum, hommum og fötluðum.“

Þá gerði Stundin frétt um kosningaslagorð Miðflokksins árið 2017 , þar sem bent var á líkindi þess og heróps íslenskra nasista á fjórða áratugnum, en Flokkur þjóðernissinna notuðist við „Íslandi allt“, meðan Miðflokkurinn notaðist við „Ísland allt.“

Þar kom einnig fram að „Íslandi allt“ var þó upphaflega notað af íslensku ungmennahreyfingunni árið 1907, samkvæmt elstu heimildum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

EyjanFastir pennar
Fyrir 5 dögum

Óttar Guðmundsson skrifar: Egill afi og Grettir taka stúdentinn

Óttar Guðmundsson skrifar: Egill afi og Grettir taka stúdentinn
Eyjan
Fyrir 6 dögum

Hanna Katrín: Verðum að koma okkur upp úr þessum hjólförum

Hanna Katrín: Verðum að koma okkur upp úr þessum hjólförum
EyjanFastir pennar
Fyrir 1 viku

Svarthöfði skrifar: Réttlæti miskunnsama samherjans

Svarthöfði skrifar: Réttlæti miskunnsama samherjans
Eyjan
Fyrir 1 viku

Lýsa alvarlegum áhyggjum af stöðu bæjarsjóðs – Gífurleg útgjöld til hælisleitenda og valdeflingarverkefni falin í ársreikningi

Lýsa alvarlegum áhyggjum af stöðu bæjarsjóðs – Gífurleg útgjöld til hælisleitenda og valdeflingarverkefni falin í ársreikningi
EyjanFastir pennar
Fyrir 1 viku

Sigmundur Ernir skrifar: Útgerðin fer þangað sem henni sýnist

Sigmundur Ernir skrifar: Útgerðin fer þangað sem henni sýnist
Eyjan
Fyrir 1 viku

Guðmundur Ingi Kristinsson: Samræmd próf eru tímaskekkja – fátækt má ekki hindra aðgang að námi

Guðmundur Ingi Kristinsson: Samræmd próf eru tímaskekkja – fátækt má ekki hindra aðgang að námi
EyjanFastir pennar
Fyrir 2 vikum

Svarthöfði skrifar: Sjálfstæðisflokkurinn hleypur í skarð Pírata

Svarthöfði skrifar: Sjálfstæðisflokkurinn hleypur í skarð Pírata
Eyjan
Fyrir 2 vikum

Varpar sprengju í nýrri bók – Obama vildi stöðva Kamala Harris

Varpar sprengju í nýrri bók – Obama vildi stöðva Kamala Harris