Velferðarráðuneytið hefur birt upplýsingar um hluföll kynjanna í þeim nefndum sem skipaðar voru á vegum velferðarráðherra á síðasta ári. Þar kemur í ljós að nokkuð hallar á karlmenn, en hlutföllin eru 60,7% konur og 39,3% karlar á síðasta ári. Samkvæmt lögum skal hlutur kynjanna vera sem jafnastur og hluti hvors kyns má ekki fara undir 40% ef nefndarmenn eru fleiri en þrír.

Heildarhlutfall karla í nýjum nefndum hefur farið úr 49,8 prósentum niður í 39,3 prósent frá árinu 2011, meðan hlutur kvenna hefur aukist á sama tíma, úr 50,2 prósentum í 60,7 prósent. Í fyrra voru skipaðar 99 konur en 64 karlar.

Á heimasíðu ráðuneytisins segir:

„Velferðarráðuneytið birtir hér með upplýsingar um hlutföll kynjanna í nefndum sem skipaðar eru á vegum ráðherra velferðarráðuneytisins, líkt og skylt er samkvæmt jafnréttislögum. Hlutfall kvenna var 60,7% og karla 39,3% í nefndum ráðuneytisins sem skipaðar voru á síðasta ári.

Í 15. gr. laga um jafna stöðu og jafnan rétt kvenna og karla er kveðið á um skipun í nefndir, ráð og stjórnir á vegum hins opinbera. Samkvæmt lögunum skal hlutur kynjanna vera sem jafnastur og hluti hvors kyns ekki minni en 40% þegar fulltrúar í nefnd eru fleiri en þrír.

Ef hlutföll kynjanna í nefndum velferðarráðuneytisins eru skoðuð eftir tilnefningum hvors ráðherra um sig eru hlutföllin utan lögbundinna marka í nefndum félags- og jafnréttismálaráðherra, 38% karlar á móti 62% kvenna en innan marka í nefndum heilbrigðisráðherra, 41% karlar á móti 59% kvenna.

Á töflunni hér að neðan má sjá hlutföll kynja í nefndum sem skipaðar hafa verið af hálfu ráðherra velferðarráðuneytisins á árunum 2011 – 2017.“

Samtals fjöldi í nýjum nefndum

Samtals fjöldi fulltrúa