Miðflokksfélag Fjarðabyggðar var formlega stofnað á fundi í safnaðarheimilinu á Reyðarfirði laugardaginn 7. april. s.l.

 Á fundinum var samþykkt að Miðflokkurinn muni bjóða fram lista til sveitarstjórnarkosninga í Fjarðabyggð þann 26. maí næstkomandi og mun Rúnar Gunnarsson leiða listann.

Rúnar er fæddur og uppalinn á Norðfirði og býr þar ásamt eiginkonu sinni Aldísi Stefánsdóttur, en þau eiga 4 börn og 6 barnabörn.

 Rúnar hefur áratuga reynslu af rekstri, en hann keypti fyrirtæki í flutningaþjónustu árið 1979 og byggði það upp þar til hann seldi Eimskip það árið 1999. Hann hefur rekið flutningaþjónustu Eimskips á Austurlandi síðan.

Rúnar leggur mikla áherslu á að vinna að betri sameiningu fólksins í Fjarðabyggð til að styrkja samfélagið í heild, og að rýna í fjármál og starfsmannamál sveitarfélagsins með það í huga að auka nýtni fjármagnins gagnvart núverandi íbúum.

Aðrar helstu málefnaáherslur Miðflokksins í Fjarðabyggð verða kynntar sérstaklega þegar nær dregur.