Jón Þór Ólafsson, þingmaður Pírata, biðlar til þingheims í dag með fjöldatölvupósti, að sameinast um að óska eftir stjórnsýsluúttekt frá Ríkisendurskoðun á verklagi stjórnvalda við að sinna upplýsingaskyldu við þingmenn, þingnefndir og Alþingi í heild.
Píratar hafa verið flokka duglegastir á þingi við fyrirspurnir og er Björn Leví Gunnarsson þar fremstur í flokki. Fyrirspurn hans um raunheiti höfuðborgarinnar hefur vakið athygli og hafa Sjálfstæðismenn og Morgunblaðið fundið fyrirspurnunum flest til foráttu og velt fyrir sér hversu mikið það kosti kerfið að svara öllum þessum „tilgangslausu“ fyrirspurnum.
Jón Þór virðist því ætla að fella gagnrýnisraddirnar á eigin bragði og verða fyrri til.
Jón Þór segist aðeins þurfa níu þingmenn og þurfa svar í dag:
„Sælir þingmenn. Alþingi getur með ósk um stjórnsýsluúttekt fengið Ríkisendurskoðun, sem er eftirlitsstofnun Alþingis, til að meta hve vel stjórnvöld sinna upplýsingaskyldu sinni við Alþingi og hve vel þau fara með almannafé við að sinna þeirri skyldu í lýðræðisríki. Skýrslubeiðnin er að Ríkisendurskoðun geri stjórnsýsluúttekt á verklagi stjórnvalda við að sinna upplýsingaskyldu við þingmenn, þingnefndir og Alþingi í heild og þ.m.t. stjórnsýslu þess, með tillögum um úrbætur. Þeir sem vilja vera með sendið svar í dag. Við þurfum aðeins níu þingmenn.“
Skýrslubeiðinina má sjá hér að neðan:
Beiðni um skýrslu
frá ríkisendurskoðun um upplýsingaveitu stjórnvalda við Alþingi
Frá
Með vísan til 17. gr. laga um ríkisendurskoðanda og endurskoðun ríkisreikninga, nr.
46/2016, er þess óskað að ríkisendurskoðandi taki saman skýrslu um verklag stjórnvalda við
að sinna upplýsingaskyldu við þingmenn, þingnefndir og Alþingi í heild, þ.m.t. stjórnsýslu
þess.
Í skýrslunni verði fjallað um hvernig handhafar framkvæmdavalds og aðrir aðilar
stjórnsýslunnar veiti löggjafarvaldinu upplýsingar, hvert umfang þeirra starfa er, hversu
mikill tími starfsmanna nýtist til upplýsingaveitu við þingmenn, þingnefndir og Alþingi í
heild, hver kostnaðurinn við upplýsingaveituna sé og hver ábatinn af vinnunni sé. Í
skýrslunni verði m.a. fjallað um upplýsingaveitu vegna:
Ríkisendurskoðandi skili Alþingi skýrslu eigi síðar en 1. desember 2018.
Greinargerð.
Með skýrslubeiðninni er óskað eftir því skv. 17. gr. laga um ríkisendurskoðun og
endurskoðun ríkisreikninga að ríkisendurskoðun taki saman skýrslu um verklag stjórnvalda
við að sinna upplýsingaskyldu sinni við aðila löggjafarvaldsins.
Nýverið hefur verið uppi nokkur umræða um fyrirspurnir þingmanna til ráðherra og
kostnað sem kann að falla til þegar framkvæmdavaldið sinnir lögbundinni upplýsingaskyldu
sinni við Alþingi. Réttur þingmanna, þingnefnda og Alþingis til að kalla eftir upplýsingum
frá handhöfum framkvæmdavaldsins er einn af hornsteinum eftirlitshlutverk Alþingis með
framkvæmdavaldinu, en þetta eftirlitshlutverk Alþingi er lögfest í 49. gr. laga um þingsköp,
Hægt er að varpa ljósi á það hver raunverulegur kostnaður framkvæmdavaldsins af
upplýsingaveitu sinni er með skýrslu ríkisendurskoðanda. Því er lagt til að
ríkisendurskoðandi taki saman skýrslu um ofangreint efni.
