fbpx
Laugardagur 05.apríl 2025
Eyjan

Viðskiptaráð: 200 skattahækkanir síðan 2007

Trausti Salvar Kristjánsson
Miðvikudaginn 7. febrúar 2018 14:25

Ekki missa af Helstu tíðindum dagsins í pósthólfið þitt

Lesa nánar

Á heimasíðu Viðskiptaráðs kemur fram, að gerðar hafa verið 267 skattabreytingar frá árinu 2007, eða um 24 breytingar á ári. Alls 200 breytingar til hækkunar, en 67 til lækkunar. Um síðustu áramót gerðu stjórnvöld 22 breytingar á íslensku skattkerfi. 19 þeirra fólu í sér skattahækkanir en aðeins í þremur tilvikum voru skattar lækkaðir.

 

Skoða yfirlit

Fjármagnstekjuskattur hefur hækkað um 120%

Fyrir hverja skattalækkun frá árinu 2007 hafa skattar því verið hækkaðir þrisvar sinnum. Eftirfarandi hækkanir eru dæmi um skattbreytingar sem gerðar hafa verið á tímabilinu:

  • Fjármagnstekjuskattur hefur hækkað um 120%
  • Hækkun gjalda á bjór, létt- og sterkt vín er á bilinu 104-108%
  • Tryggingagjald er enn 28% hærra en það var fyrir hrun
  • Gjald í framkvæmdasjóð aldraðra hefur hækkað um 77%

Vinsælt að lofa lækkunum en auðvelt að hækka

Stjórnarsáttmáli nýrrar ríkisstjórnar sem birtur var síðasta haust mæltist nokkuð vel fyrir enda var í honum að finna jákvæðar áherslur í ólíkum málefnum ríkisstjórnarinnar, þar á meðal skattamálum. Ágætlega var fjallað um fyrirætlanir ríkisstjórnarinnar í skattamálum en úr sáttmálanum mátti lesa fyrirheit um sjö ólíkar skattalækkanir á móti tveimur til hækkunar.

Þegar nýtt fjárlagafrumvarp var birt nú um síðustu áramót kom þó í ljós að staðið var við báðar breytingarnar sem boðaðar höfðu verið til hækkunar en einungis eina af sjö til lækkunar. Það er því ljóst að stjórnvöld eiga ekki í neinum vandræðum með að standa við fyrirheit um skattahækkanir, en þegar kemur að skattalækkunum er einhver tregða til staðar. Viðskiptaráð hvetur stjórnvöld að standa við fögur fyrirheit og ráðast í mikilvægar skattalækkanir, svo sem lækkun tryggingagjalds, endurskoðun á skattstofni fjármagnstekjuskatts, afnámi þaks á endurgreiðslur rannsókna- og þróunarkostnaðar og lækkun á neðra þrepi tekjuskatts.

Í yfirliti Viðskiptaráðs var í fyrsta skiptið tekið tillit til breytinga á frítekjumarki atvinnutekna aldraðra í ár. Breytingar á frítekjumarkinu á síðustu 10 árum voru færðar inn í yfirlitið.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 3 dögum

Ber mál Le Pen saman við mál Flokks fólksins

Ber mál Le Pen saman við mál Flokks fólksins
Eyjan
Fyrir 3 dögum

Logi Einarsson: Gerum eins og Apple gerir – samþættum tækniþróun og hönnun

Logi Einarsson: Gerum eins og Apple gerir – samþættum tækniþróun og hönnun
Eyjan
Fyrir 4 dögum

Trump fagnaði og sagði að áætlun hans væri að ganga upp – Setja Kínverjar honum stólinn fyrir dyrnar?

Trump fagnaði og sagði að áætlun hans væri að ganga upp – Setja Kínverjar honum stólinn fyrir dyrnar?
Eyjan
Fyrir 5 dögum

Orðið á götunni: Þú kaupir af Guðbjörgu í hverri viku – umframhagnaður sægreifa fer í að kaupa upp atvinnulífið

Orðið á götunni: Þú kaupir af Guðbjörgu í hverri viku – umframhagnaður sægreifa fer í að kaupa upp atvinnulífið
EyjanFastir pennar
Fyrir 6 dögum

Óttar Guðmundsson skrifar: Gísli, Eiríkur og Helgi

Óttar Guðmundsson skrifar: Gísli, Eiríkur og Helgi
Eyjan
Fyrir 1 viku

Bæjarstjóri harðlega gagnrýnd og kölluð einræðisherra – „Ég held að það sé leitun að eins ómerkilegri manneskju og Ásdísi Kristjánsdóttur“

Bæjarstjóri harðlega gagnrýnd og kölluð einræðisherra – „Ég held að það sé leitun að eins ómerkilegri manneskju og Ásdísi Kristjánsdóttur“
Eyjan
Fyrir 1 viku

Framsóknarmenn sárir og svekktir á Alþingi – „Vera ekki að hreykja sér af verkum annarra“

Framsóknarmenn sárir og svekktir á Alþingi – „Vera ekki að hreykja sér af verkum annarra“
EyjanFastir pennar
Fyrir 1 viku

Þorsteinn Pálsson skrifar: Boðflennur, fullveldi og fjölþjóðasamvinna

Þorsteinn Pálsson skrifar: Boðflennur, fullveldi og fjölþjóðasamvinna