Yfirvöld í Bæjaralandi í Þýskalandi hafa gefið það út að stefnt sé að því að banna blæjuna í opinberum byggingum, skólum, háskólum og við akstur. Gagnrýnendur segja að þetta sé einungis gert því kosningar nálgist en Kristilegi demókrataflokkurinn, flokkur Angelu Merkel kanslara fer með völdin í Bæjaralandi. Flokkur hennar óttast mjög sókn hægriflokksins AfD, Alternative für Deutschland, og margir sjá þetta fyrirhugaða bann sem örvæntingarfulla tilraun flokksins til að ná til sín kjósendum AfD. BBC greinir frá.

Uppkast að lögum um blæjubann var lagt fram á þriðjudagskvöld. Þar er niqab, slæða sem hylur andlitið algjörlega og búrka, sem hylur bæði andlit og allan líkamann bannaðar á opinberum stöðum. Auk þess nær bannið til samskipta við lögreglu og á kjörstöðum. Konur sem væru með slíkt á sér þyrftu því að taka það niður slæðuna þegar þær væru stöðvaðar af lögreglu eða þegar þær ætlað að nýta sér lýðræðislegan rétt sinn til að kjósa.

Kristilegi demókrataflokkurinn er með hreinan meirihluta í svæðisþingi Bæjaralands svo allt útlit er fyrir að frumvarpið verði að lögum fyrir sumarfrí þingsins.

Samskipti eiga sér ekki stað einungis með tungumáli heldur einnig með útlitli, svipbrigðum og bendingum. Samskipti eru grundvöllur frjálsrar og opnar lýðræðisskipanar. Að hylja andlit sitt er andstætt við þessi gildi,

segir innanríkisráðherra Bæjaralands, Joachim Herrmann.

Þegar dagblaðið Sueddeutsche Zeitung grennslaðist fyrir um það hve margir opinberir starfsmenn myndu verða fyrir áhrifum að blæjubanninu sagði innanríkisráðherrann að honum vitanlega væru þeir engir. Samt sem áður væri mikilvægt að koma þessu banni á til að koma í veg fyrir að konur með blæjur myndu sjást á opinberum vettvangi.

Ulrike Gote hjá Græningjum sagði í samtali við dagblaðið að bannið ,,leysti vandamál sem væri ekki til staðar‘‘ og væri pólítískt aðgerð til að ala á ótta við íslam í Þýskalandi.