Fréttablaðið gerir könnun með tvöföldu úrtaki. Það eru tveir sólarhringar þar til kjörstaðir opna. Maður hallast að því að þarna sé farið nálægt úrslitum kosninganna. Sjálfstæðisflokkurinn er stærstur, en missir samt fimm prósentustig og fjóra þingmenn. Vinstri græn bæta við sig en stóri kosningasigurinn sem var í spilunum er að ganga þeim úr greipum. Framsókn bíður afhroð. Miðflokkurinn og Sigmundur vinna sigur. Það gerir Samfylkingin líka. Viðreisn minnkar en kannski má segja að flokkurinn vinni varnarsigur eftir erfiða stöðu í byrjun kosningabaráttunnar. Flokkur fólksins er á mörkunum að ná inn. BF þurrkast út.

Það eru engir augljósir ríkisstjórnarkostir í stöðunni, þeir eru allir veikir, hvort sem litið er til hægri eða vinstri. Ekki einu sinni Sjálfstæðisflokkur og VG geta myndað tveggja flokka stjórn, þeir yrðu að fá þriðja flokk með sér.

Líklegasta niðurstaða kosninganna er semsagt veik ríkisstjórn sem verður klastrað saman eftir langt þref. Minnihlutastjórn gæti það orðið – en hún yrði ekki sterkari. Svo fengjum við aðrar kosningar fljótt – kannski bara á næsta ári.