Marianne Faithfull, yfirstéttarstúlkan, söngkonan og fyrrum kærasta Micks Jagger, sagði i viðtali einhvern tíman að bestu nótt lífsins hefði hún átt með Keith Richards. En það hafi bara verið ein nótt. Og þau hafi alltaf verið góðir vinir.

Hérna er mynd af þeim saman í Marokkó, tekin 1967. Þau eru óneitanlega töff.

Og svo er hér mynd af þeim sem Keith póstaði í gær og skrifaði undir Loved seeing Marianne. Þetta er 50 árum síðar. Keith er 73 ára en Marianne er 70 ára. Myndin lítur út eins og hún sé tekin á fínu hóteli. Marianne er með te eða kaffi í bolla, það eru kökur á borðinu, en það er líkt og Keith sé annað hvort með rósavín eða bleikt kampavín. Bæði eru þau auðvitað gamlir sukkboltar.