Hluti þeirra fjárfesta sem komu með fé inn í landið í gengum fjárfestingaleið Seðlabankans árið 2012 hefur selt fjárfestingar sínar og flutt féið úr landi síðustu vikur, þetta gæti útskýrt skyndilega veikingu krónunnar að undanförnu. Greint er frá þessu í Fréttablaðinu í dag. Þeir sem rætt var við vita ekki um hversu háar fjárhæðir er að ræða en ljóst sé að einhverjir hafi notað tækifærið í kjölfar afléttingu gjaldeyrishaftanna. Seðlabankinn hafi svo gripið inn í með því að kaupa einn milljarð króna í samræmi við umleitanir bankans við að draga úr miklum sveiflum á genginu.

Þórður Snær Júlíusson ritstjóri Kjarnans segir á Fésbók í dag að þeir hafi keypt íbúðarhúsnæði árið 2012 með féi sem kom inn í landið með fjárfestingaleiðinni hafi hagnast gríðarlega á kostnað íslensks samfélags, þeir sem hafi skipt einni milljón evra árið 2012 væri nú að fá rúmlega 3,7 milljónir evra:

Þeir sem komu inn í gegnum leið­ina á fyrstu mán­uðum árs­ins 2012 og keyptu sér t.d. íbúð­ar­hús­næði hafa tekið út alls konar ágóða. Í fyrsta lagi hefur íbúð­ar­verð hækkað um 72 pró­sent frá því í byrjun árs 2012. Miðað við útboðs­verðið sem þeir fengu á evru, sem var 240 krón­ur, þá hefur virði krón­anna sem Seðla­bank­inn leyfi þeim að skipta nánast tvö­fald­ast í evrum talið. Sá sem skipti t.d. einni milljón evra í krónur í febr­úar 2012 í útboði fjár­fest­ing­ar­leið­ar­inn­ar, keypti sér íbúð­ar­hús­næði fyr­ir, seldi það síðan og skipti í evrur í mars 2017, hefur fengið 3,7 millj­ónir evra á heim­leið­inni. Ágætis ávöxt­un, í boði íslensks sam­fé­lags,

segir Þórður Snær og bætir við að veiking krónunnar sem gæti verið orsök fjármagnsflutninganna þýði skert kjör íslensks launafólks.