Hætta steðjar að fræðasamfélaginu, ekki utanaðkomandi heldur innan frá. Á sama tíma og háskólum hefur tekist að ná gríðarlega góðum árangri þegar kemur að því að útrýma kynbundinni mismunum og kynþáttahatri þá er að myndast óþol gagnvart vitsmunum með pólitískri einstefnu, vaxandi þröngsýni og hálfgerðri skoðanaeinræktun á sumum sviðum. Þetta segir John Etchemendy fyrrum forstöðumaður Stanford-háskóla í Bandaríkjunum í ræðu sem hann hélt fyrir fjárhaldsmenn skólans í vikunni.
Etchemendy segir háskóla vissulega í mikilli hættu út á við vegna niðurskurðar Vestanhafs:
En ég hef hins vegar mun meiri áhyggjur af hættunni innan frá. Í gegnum árin hef ég fylgst með stigvaxandi umburðarleysi í háskólum landsins – ekki umburðarleysi gagnvart kynþáttum eða kyni – en þar höfum við náð góðum árangri. Heldur vitsmunalegu umburðarleysi (e. intellectual intolerance), pólitískri einstefnu sem stríðir gegn því sem háskólar eiga að standa fyrir,
segir Etchemendy:
Þetta birtist í margan hátt, þar á meðal með vitsmunalegri einræktum á sumum sviðum, kröfum um að hafna fyrirlesurum og útiloka hópa sem þóknast ekki og kröfum um að háskólinn myndi sér stjórnmálaskoðanir. Við skömmumst yfir bergmálsherbergjum á sama tíma og við tökum ekki eftir bergmálsherberginu sem við höfum smíðað utan um okkur sjálf.
Fólk með andstæð sjónarmið hvorki heimskt né illt
Etchemendy segir háskóla ekki vettvang til að styrkja persónuleg pólitísk viðhorf þeirra sem þar starfa, þegar það sé gert sé verið að ganga gegn hlutverki stofnananna. Það sem krefjist hugrekkis sé að opna á mismunandi hópa og sjónarmið því leitin að sannleikanaum þurfi verðuga andstæðinga.
Eyjan bar skrif undir íslenskan prófessor sem hefur starfað í háskólum hér á landi sem og erlendis, hann vildi ekki tala efnislega um stöðuna hér á landi í smáatriðum en tók fram að þessi skrif væru satt og rétt. Etchemendy segir framtíðina eiga eftir að vera erfiða fyrir fræðasamfélagið, fyrsta skrefið sé að háskólakennarar minni nemendur sína og samstarfsfólk á að fólk sem andstætt sjónarmið sé sjaldnast heimskt eða illt, þvert á móti getur það vitað hluti sem aðrir gera ekki og hafi annan og dýpri skilning:
Það er erfitt fyrir fólk að gefa vönduðum verkum gaum þegar það rímar ekki við manns eigin verk og sé jafnvel beint gegn manns eigin djúpstæðu skoðun. En við þurfum verðuga andstæðinga til að skora okkur á hólm í leitinni að sannleikanum. Það er algjört grundvallaratriði til að tryggja gæði okkar verka.
